M. P. et L., « ne fut point — que tousjours
[1414] SEIGNEUR DE s AINT-REMY. 175
sance qui venoit sur eulx, cuidèrent retourner; mais trouvèrent leur passage rompu, et là furent, que mors que prins, de quarante à cinquante. Entre lesquelz fut prins ung gentilhomme nommé Cordellier de Gironne; et l'endemain furent trouvez xx ou plus en la rivière, où la besoingne avoit esté. Et, pour parler des courses et chevauchies que faisoient les gens du roy ou pays d'Artois, ce seroit long à raconter; car tout le pays d'Artois fut si pillié et destruis qu'il n'est point à croire, fors à ceulx qui le veirent'.
Entre aultres courses, l'un des bastart de Bourbon ^, après la mort de son frère messire Hector, fu envoyé quérir aux escolles, où il estoit à Paris; et le fist-on venir au siège d'Arras. Et, pour luy baillier bruit et renommée, luy furent bailliez mil combatans, lesquelz allèrent courre à la conté de Saint-Pol, où ilz firent de gitans dommages, prinrent et ravirent biens sans nombre, et furent devant la ville de Saint-Pol, où le conte et sa femme estoient, laquelle estoit seur du duc de Bar. Et pluiseurs reproches, desrisions et mocqueries disoient du conte de Saint-Pol ; disant qu'il faingnoit estre mallade, affin qu'il n'allast servir le roy, et bien monstroit qu'il estoit Bourguignon, quant il avoit envoyé messire Jehan de Luxembourg, son nepveu, et la pluspart de ses gens au service du duc de Bourgoingne. Et pluiseurs aultres parolles disoient de luy.
Après ce que le bastard de Bourbon fut retourné au
\. M. P. et L., « véoient. »
2. Les deux manuscrits et L. ont : « l'un des bastarts de Bour- .« bon qui. » La construction de la phrase nous parait exiger la suppression de ce pronom, que Buchon n'a pas admis.
siège devant Arras, ung aultre capitaine de deux cens combatans allèrent courre devant les villes de Lucheu et de Hesdin, où ilz firent maulx innumérables, tant de bouter feu, comme de prendre prisonniers. Touteffoiz, ceulx de la garnison de Hesdin et d'autres places tenans le party du duc de Bourgoingne, se mirent ensemble et poursuyvirent les Franchois tellement qu'ilz rescourent la pluspart des prisonniers. D'aultre part, les aultres garnisons tenant la partie de Bourgoingne faisoient souvent de grans destrousses. Le duc de Bourgoingne, qui grant désir et voulenté avoit de secourir ceulx d' Arras, se conclud que il se mecteroit en peine de ruer jus l' avant-garde du roy. Et fut jour prins pour ce faire, et fut mandé à ceulx des villes d' Arras et cité, affin que ilz fussent tous prestz pour saillir, le plus grant nombre qu'ilz pourroient.
Au jour qui avoit esté prins, se trouvèrent les Bourguignons quatre mil combattans, desquels estoit capitaine le seigneur de Croy, messire Jehan de Bupple, et pluiseurs aultres, qui chevauchèrent ensemble jusques à trois lieues près d' Arras, où ilz ordonnèrent leurs courreurs, pour aller devant. Desquelz courreurs furent Jacques et Athys de Brimeu frères \ Loys de Boussu et aultres, qui tous ensemble, de droicte fortune, furent prins des gens du roy et menez au siège. Et pourtant, les gens du duc de Bourgoingne sachant la prinse de leurs coureurs, et doublant leur emprinse par eulx estre découverte, furent moult troublés, et sans riens besoingnier, retournèrent.
Durant le siège d'.Arras, les gens du roy prinrent la
