CHAPITRE XL

Comment Loys^ duc de Bavière j espoma la vesve du conte de Mortaingne ^ frère du roy de Navarre. Du bannissement du royaulme des gens du duc de BourgoingnCj et de V ambassade que le roy envoya au duc de Bourgoingne^ et aultres incidens.

En ces propres jours, ou là environ, Loys, duc de Bavière, frère de la roy ne, espousa la vesve de feu messire^ Pierre, frère du roy de Navarre, en son temps conte de Mortaingne. Ausquelz nœupces ot une très

]. L. et M. — Les deux manuscrits ont maisire.

[\ 41 3] iEIGNEUR DE SAINT-REMY. 1 23

belles joustes, et y jousta le roy et pluiseurs aultres de son sang. Et, le lendemain, pluiseurs des gens du duc de Bourgoingne furent banis du royaulme de France. Duquel banissemens les nouvelles furent rapportées au duc de Bourgoingne, qui lors estoit à Saint-Omer ; duquel ne fust pas bien content, et luy conseilloient aucuns qu'il se mist en armes et en puissance, et que il tirast droit à Paris, et que les Parisiens luy feroient assistence aussi grande que faicte luy avoient autreffoiz; mais il n'en vouloit riens faire.

En ce temps, s'esmeult discention entre les ducz d'Orléans et de Bretaingne, pour ce que le duc de Bretaingne se vouloit mectre au dessus du duc d'Orléans. Le roy en eult la congnoissance et en décida, et juga que le duc d'Orléans yroit au dessus du duc de Bretaingne, tant en aller, seoir, escripre, que en toutes aultres choses. Dont le duc de Bretaingne fut malcontent, et pour ceste cause se party de la ville de Paris par maltalent.

Mais, avant son partement, eult paroUes entre luy et le conte de Vendosme moult aigres; et, par ainsi, demourèrent en hayne l'un contre l'autre. Environ ces jours, fut le Borgne de la Heuze desmis, de par le roy, de la prévosté de Paris ; et, en son lieu, y fut constitué maistre Andrieu Marchant, advocat en Parlement. Messire Guissart le Daulphin, grant maistre d'ostel de France, le seigneur de Rambures, maistre des arbalestriers et messire Anthoine de Craon furent renvoyez en leurs maisons, et leur fut dit que ilz ne retournasent plus, se le roy ne les mandoit. Et pariellement furent mis hors de Paris de trois à quatre cens [que] ^ hommes

1 24 CHRONIQUE DE JEAN LE FÉViE [1413]

que femmes, pour ce qu'ilz avoient esté favorables au duc de Bourgoingne. Le conte de Veudosme fut fait grant maistre d'ostel, et avec ce pluiseurs offices furent renouvellées.

Environ le Toussains, le roy ordonna une ambassade pour envoyer devers le duc de Bourgoingne, qui lors estoit à Lille, qui se donnoit du bon temps; où il fist une festes et joustes où luy mesmes jousta, son filz, conte de Charrolois et ses deux frères ; c'est assavoir le duc de Brabant et le conte de Nevers, et pluiseurs aultres chevaliers.

L'évesque d'Evreux, le seigneur de Dampière, l'admirai de France, et aultres ambassadeurs du roy, présentèrent au duc de Bourgoingne lettres par lesquelles le roy mandoit au duc de Bourgoingne que, sur paine de toutte confiscation, il ne fesist convenance, ne traictié nul, au roy d'Angleterre touchant le mariage de sa fille, ne aultrement, en quelque manière que ce feust; et, avec ce, qu'il rendeist et feist rendre au roy trois de ses villes et chasteaulx, lesquelles il tenoit ou faisoit tenir par ses gens ; c'est assavoir , Chierboui^ , Kem, et le Crotoy, et qu'il tenist, de point en point, la paix telle qu'il avoit promise. Quant le duc de Bourgoingne eult oy la lecture du mandement et commandement royal, sans faire quelque responce, se party de la ville de Lille, et s'en alla à Audenarde. Les ambassadeurs du roy retournèrent à Paris sans aultre chose faire.

Le roy, doubtant la rompture de la paix, fist faire nouveaulx mandemens parquoy il mandoit à tous les baillifs, seneschaulx et officiers qu'ilz feissent publier iceulx mandemens, par lesquelz il mandoit qu'il vouloit

tenir et entretenir la paix faicte entre les Orléannois et les Bourguignons, laquelle chascune des parties avoit juré solempnellement, sur les éainctes Evangilles et sur la saincte vraye Croix, tenir sans icelle enfraindre ou violer. Néantmoins, il estoit venu à la congnoissance du roy, que pluiseurs de divers estatz et condicions murmuroient à part, en semans mauvaises paroUes; lesquelz faisoient secrètes conspirations et monopoles, pour venir à conclusion de rompture de la paix, à icelle intencion d'esmouvoir guerre mortelle. Pour laquelle cause, le roy mandoit à ses officiers que, s'ilz trouvoient aucuns des gens telz que dessus est dit, ilz fuissent prins, pugnis criminellement ; et, avec ce, ceulx qui les accuseroient à justice eussent la tierce partie de leurs biens.