CHAPITRE XLI
Comment le roy de Sécille renvoya la fille du duc de Bourgoingne, Catherine, laquelle estoit pleive à Loys son fih , dont le duc de Bourgoingne fut mal content; et des lettres excusatoires et accu^atoires que ledit duc envoya au roy.
Le XX® jour du mois de novembre, le roy de Sézille fîst ramener en la ville de Beauvais, Catherine, fille au duc de Bourgoingne, laquelle devoit estre espousée à Loys, son filz aisné, ainsi comme paravant, du consentement des deulx parties avoit esté traictié. Et, sur ce, par le duc de Bourgoingne, luy avoit esté envoyée en très honnourable estât ; mais, comme dit est, le renvoya à compaignie du seigneur de Longny, mareschal
de France, et pluiseurs aultres, jusques au nombre de viij"^ chevaulx, chevaliers, escuiers, dames et damoiselles, et aultres officiers du roy, Loys. Laquelle fut rendue aux gens de son père ; c'est assavoir, aux seigneurs de Dours, de Brimeu, de Humbercourt et de Bours et aultres chevaliers, escuyers, dames et damoiselles, pour ceste cause là envoyez de par luy. Et d'iceulx fut receue et ramenée jusques à Amiens, et de là à Lille devers son père.
Le duc de Bourgoingne, qui de ce grandement ftit troublé, conceut pour ceste cause grant haynne allencontre du roy de Sézille, laquelle dura toutes leurs vies. Et, depuis, sans avoir esté mariée, morut en la ville de Gand icelle dame Catherine de Bourgoingne, laquelle estoit selon sa jeunesse une très gracieuse dame. Tantost après le duc de Bourgoingne envoya à Paris, devers le roy, unes lettres contenant les excusacions et accusacions qiie il faisoit contre ses adversaires. Desquelles lettres la teneur s'ensuit :
« Mon très redoubté seigneur, je me recommande « à vous tant humblement comme je puis; et suis « désirant continuellement^, comme droit est, de savoir « de vostre bon estât, que Dieu, par son doulx plaisir, « veulle tousjours continuer de bien en mieulx, selon « vostre bon vouloir et désir. Pourquoy, je vous sup- « plie très humblement, mon très redoubté seigneur, « que, plus souvent, je puisse, par vostre bon plaisir, « estre de vous par lettres bien à plein acertenez ; car « Dieu scet, mon très redoubté seigneur, comment je
