M. P. et L., « son chemin — tout droit

dément de monseigneur de Guienne, pour obéyr, ainsi que tenu estoit : et avoit le duc de Bourgoingne avec luy de yj à vij" combatans.

Or est vray que le roy d'armes cuida bien faire son message et présenter ses lettres; car il avoit esté mené en unghostel, en la ville de Paris ; auquel hostel, deux ou trois heures après ce qu'il y estoit arivez, alla devers luy ung honmie qu'il ne congnoissoit, qui luy dist que tost et hastivement il s'en retournast, ou il seroit en dangier de sa personne. Et, ainsi que le roy d'armes estoit à cheval pour s'en retourner devers son maistre, trouva le conte d'Erminacq qui lui dist que, se luy ne aultres, de par le duc de Bourgoingne, retournoient plus dedens Paris, on leur feroit trenschier la teste. Ainsi retourna sans riens besoingner, etracompta au duc de Bourgoingne la rudesse que il avoit trouvée, lequel en fut très desplaisant ; pourquoy il assembla son conseil. Sy luy fut conseilh'é de luy mectre l'endemain très matin au champs, à toute sa puissance, montez et armez ung chascun au mieux que faire se povoit, et en belle ordonnance tirassent leur chemin droit à la porte de Montmartre ; laquelle chose fut ainsi faicte. Mais ilz trouvèrent la porte close, devant laquelle ilz se mirent en battaille, en très belle ordonnance.

Or, est ainsi que le duc de Bourgoingne ordonna iiij de ses chevaliers, lesquelz ilz fist mectre hors de la battaille, ausquelz il ordonna que se tirassent vers la porte Saint-Honnouré, et que ilz trouvassent manière de parler à ceulx qui gardoient la porte, pour leur dire et remonstrer la cause qui l'avoit là amené. Et, avec les quatre chevaliers, ordonna son roy d'armes [d'Arthois pour aller devant la porte ; mais, quand le I 10

roy d'armes] ^ requist aux gardes de la porte que 3z parlassent à luy pour faire le message des quatre che* valiers, iceulx gardes respondirent que ilz n'avoieot cure de parler à luy, disant que bientost s'en retournassent, ou, ce se non, on tiroit après luy; etaultrement ne parlèrent.

Cependant, Enguérant de Bournonville estoit descendus à piet, en sa compaignie quatre cens combatans *, portant l'estandart du duc de Bourgoingne, espérant que se aucuns de Paris le véoient, ilz se metteroient sus à puissance, pour faire ouverture d'aucunes des portes. Mais riens n'en advint, et conunencèrent à tirev d'arbalestre sur les gens du duc de Bourgoingne. Â la retraicte, en y eult de navrés, non obstant que les gens du duc de Bourgoingne leur disoient qu'ilz ne vouloient point de guerre , mais, de tous poins, vouloient entretenir la paix. Et aussi ne feirent oncques semblant de vouloir mal à quelque personne qui dedens Paris fiist.

Quant le duc de Bourgoingne vit que riens ne pourfitoit estre devant la ville de Paris, ne nulz n'avoit volu parler à luy, ne à ses gens, il s'en retourna dedens la ville de Saint-Denis, où il ordonna certaines lettres que secrètement il fîst atachier au portai Nostre-Dame de Paris, au Pallais et en pluiseurs aultres lieux , contenant que, par le mandement de monseigneur de Guienne, dont il avoit pluiseurs lettres signées de sa main, il s'estoit mis sus en armes, pour soy employer au bien du roy, du duc de Guienne et du royaulme, et aussi pour les mectre hors du dangier où ilz estoient