M.P. et L., « iiij — combaUns
en servitude, et que nul ne pensast que il vaulsist avoir l'administraciopet gouvernement, en quelque manière, ne vouloir adommagier la bonne ville de Paris, et qu'il estoit prest de entretenir tout ce que par Tordonnance du roy avoit juré et promis et s'en retourner en ses pays ; mais que les aultres seigneurs, qui dedens Paris estoient, vaulsissent faire le semblable. Et se donnoit merveilles pourquoy on n'avoit volu recevoir ses lettres, et aussi que, sans invasion de traict, aucunement se seroit trouvé devant la ville de Paris, pour faire exposer aucunes besoingnes touchant le bien de la paix et du royaulme.
Toutesvoies, on avoit tiré et bleschiés aucuns de ses gens, et requéroit à tous les biens veuUans et subgectz du roy, qu'ilz le vaulsissent aidier et conforter contre tous ceulx qui ainsi avoient mis en dangier et servitude le duc de Guyenne. Telles paroUes ou semblables estoient esdictes lettres, données à Saint- Denis, le XI® de février, l'an mil cccc et xni.
Quant ces lettres furent ainsi trouvées en pluiseurs portauk, dedens Paris, furent monstrées au conseil du roy et des princes, qui là estoient. Pour laquelle cause fiit renforôhié et guet et garde de Paris.
Ce temps durant que le duc de Bourgoingne estoit logis à Saint-Denis, le seigneur de Croy, qui en sa compaignie estoit, ordonna xx hommes d'armes, sages, prudens et vaillans, et très bien montez, lesquelz trouvèrent manière de passer la rivière de Saine, auprès de Gonflans. Lesquelz chevaucèrent le plus secrètement que ilz porent, jusques en la ville de Mont Lehéry, eulx disans au duc de Bourbon, et que là ilz estoient venus pour faire son logis. Messire Jehan de
Croy, fîlz du seigneur de Croy, prisonnier dedens le chastel de Mont Lehéry, estoit, par le moyen d*un chappelain qui léens le gouvernoit, adverti de la venue desdis xx hommes d'armes. Or, est vray que, à celle heure que ces xx hommes d'armes arivèrent à Mont Lehéry , messire Jehan de Croy oy messe en une chappelle auprès de la porte du chastel. La messe oye, iceulx hommes d'armes, qui ung bon cheval avoient amené pour messire Jehan de Croy, se trouvèrent assez près ; et, incontinent, sachans leur besoingne estre preste, et que ilz povoient bien enmener messire Jehan de Croy, se tirèrent vers luy, et le feirent jnonter à cheval. Ainsi que mçssire Jehan de Croy montoit à cheval, aucuns de la place allèrent devers messire Colart de Calle ville, capitaine du chastel et garde de messire Jehan de Croy, qui de ces nouvelles fut moult esmerveilliés ; car en riens ne se doubtoit. Lors, il acourut, en grant diligence, à la porte, et véant messire Jehan de Croy à cheval, hors de sa main et de sa puissance, dist : < A! à ! monseigneur, se vous vous en
< allés ainsi, je suis destruit de corps et de chevance. > Messire Jehan luy respondy : € De vostre anuy et do- € maige me desplairoit. Touteffoiz, à l'ayde de Dieu, « j'ay intencion de m'en aller; mais se vous voulez « venir avec moy, les biens de monseigneur mon père
< et les miens ne vous fauldront point. > Et, en ce point, se party messire Jehan de Croy; et messire Colart de Calleville demora, attendant l'adventure de Dieu, et telle que advenir luy poroit. Les xx honmies d'armes se conduirent si sagement qu'ilz se trouvèrent dedens la ville de Saint-Denis, à tout messire Jehan de Croy.
Le duc de Bourgoingne, qui tousjours avoit espoir d'avoir nouvelles de Paris, de rechief envoya son roy d'armes d'Artois, portant lettres devers le roy de Sezille, et devers les ducz d'Orléans et de Berry, pour eulx signiffier la cause de sa venue, en eulx requérant que ilz vaulsissent souffrir que il parlast au roy et au duc de Guienne, ou, à tout le moins, que ses gens y peuissent parler ; disant, oultre, que ilz laissaissent le roy dominer et gouverner, sans le tenir en servitude, et, par espécial, le duc de Guienne lequel ilz détenoient à sa grant desplaisance.
Mais, quant le roy d'armes fut à la porte Saint- Ânthoine, on luy dist que il s'en retournast à tout ses lettres, et qu'il n'entreroit point dedens Paris. Quant le roy d'armes oy ceste responce, qui très rudement et rigoreusement luy fut faicte, il prist ung baston fendu, dedens lequel il mist ses lettres, et devant la porte les ficha en terre, et là les laissa ; et, le plus tost que il peult, retourna à Saint-Denis devers son maistre, lequel fut plus mal content que devant. Quant le duc de Bourgoingne vit que il perdoit temps, et que venir ne povoit à son intencion, il conclud de retourner en son pays de Flandres, et laissa garnison à Gompeingne et à Soissons; c'est assavoir, à Gompeingne, messire Heu de Lannoy, le seigneur de Saint-Légier et pluiseurs aultres; à Soissons, messire Golart de Fiennes, Enguérant de Bournoville, et aultres gens de guerre. Et fu conclud par le duc de Bourgoingne, avec sa chevalerie et les bonnes villes, que jusques à tant que le roy et son filz, le duc de Guienne, seroient en franchise, sans estre ainsi détenus, et que ilz gouverneroient par telles personnes que ilz vouldroient, et que ceulx, qui ainsi
les tenoient et leurs gens, seraient chascun en leurs pays, sy comme luy de Bourgoingne et ceulx de son party qui s'offrent eulx en aller en leurs terres et pays, ilz ne donneroient point d'obéyssance aux mandemens donnez par Tadviz et conseil desdictes seignouries, ne de ceulx de leur party. Lesquelles choses le duc de Bourgoingne signiflia à pluiseurs bonnes villes, &ï les requérant, de par le roy et le duc de Guienne, qu'ilz le voeillent aidier et eulx joindre avec luy ; et, en ce faisant, eulx et chascun d'eulx acquiteront leur loyaulté, et en seront recommandez toute leur vie, en les promectant de les aidier et conforter de tout son povoir, et de ce leur baillier ses lettres.
Ces choses faictes, le duc de Bourgoingne s'en alla en sa ville d'Aras ; et, les Bourguignons de la duchié et conté, qui l'estoient venus servir, il les envoya tenir les champs es pays de Gambresies et de Terasse, et sur les terres de messire Robert de Bar, conte de Marie.
Et, quant il fut arivé en sa ville d'Arras, il assembla les trois estas de son pays, et par espécial les nobles, pour leur conununiquier ses affaires ; et si leur fist dire, de par le seigneur d'OUehain, la cause qui l'avoit mené à Paris. Ges remonstracions faictes, toute la noblesse qui là estoit, luy promirent de le servir allencontre de tous ses adversaires, excepté le roy et ses enffans.
En ce conseil et assemblée ordonna le duc de Bourgoingne lettres pour envoyer en pluiseurs bonnes villes du royaulme, lesquellez çontenoient tout le démené de son voyage qu'il avoit fait devant Paris S et conmient,
i. M.P. et L., « de son voyage — devant Paris. »
par lettres de monseur de Guyenne, il y estoit allé. Et finablement estoit contenu es lettres comment le roy et le duc de Guienne estoient comn^e prisonniers ; leur requérant qu'ilz ne vaulsissent obéyr as lettres, ne aux mandemens quelzconcques, tant qu'ilz fuissent au gouvernement des gens où lors estoient. Ces choses faictes, et envoyées lesdictes lettres avec le vidimus de trois lettres que le duc de Guyenne luy avoit envoyées, il s'en retourna en son pays de Flandres.
