CHAPITRE XLIII
Des mandemens que le roy feit publier^ par son royaulme^ à rencontre du duc de Bourgoingne^ en le banissant et privant de touttes grâces et bienfaicts^ ensemble ses favorables amis et alliez ^ en luy impo* sant crismes horribles et détestables.
Or, fault parler des princes qui dedens Paris estoient. ^ray est que, après le partement du duc de Bourgoingne de la ville de Saint-Denis, le roy et les aultres princes qui là estoient sceurent que le duc de Bourgoingne avoit mis garnisons es villes royalles; pour laquelle cause furent moult esmerveilliez, disans qu'il monstroit qu'il vouloit venir à la guerre. Et, pour y obvyer et résister, le roy fist faire mandemens, lesquelz il envoya publyer par tout son royaulme , contenant en efiFectque le duc deBourgoingne, contre le mandement et defifence de luy, et mesmement contre la paix par luy jurée, avoit fait grans mandemens et assemblées de gens d'armes, estoit allé devant la ville de Paris, et, à
1 52 CHRONIQUE DE JEAN LE FÉVIlE [1 41 3]
son retour, mis garnison es villes royalles, et avec ce tenott gens d'armes sus les champs, pillans et robans le povre peuple ; pour laquelle cause le roy mandoit qu'il fust crié, à son de trompe, que toutes gens de guerre fussent prestz pour aller servir le roy, sur confiscacion de corps et de biens.
Après la publicacion des mandemens dessusdis, ceulx qui avoient tenu le parti du duc de Bourgoingne, à Paris et à l'environ , furent moult oppressez; pluiseurs furent prins et décapitez, et leurs biens confisquiés. Et, avec ce, fut ordonné ung mandement royal envoyé par les bailliages et seneschaucies, par lequel le roy les privoit^ de toutes grâces et bienfaiz, en banissant le duc de Bourgoingne, luy, ses favourables amys et alyez pour le très cruel et dampnable homicide perpétré et commis en la personne du duc Loys d'Orléans. Et, avec ce, tous les faiz que povoit avoir fait ou fait faire le duc de Bourgoingne, et tous les maulx que on pourroit dire ne penser allencontre de luy, estoient mis par escript en icelluy mandement, disant que il avoit fait pluiseurs foiz questionner et tourmenter pluiseurs personnes, les [avoit] fait mourir soubz umbre de justice, sans cause et sans raison, les aultres mourir de faim, en prison, sans confession, sans aultres sacremens ecclésiastiques 9 les faire gecter aux champs, aux chiens, sans vouloir souffrir que ilz eussent sépulture, ne que leurs enffans nouvellement nez fuissent baptisiés; qui est expressément contre nostre foy.
En ces choses fist faire horribles cruaultez et les plus
1 . Nos textes ont tous le participe « privant » ; c'est une faute de copiste.
grans inhumanitez que oncques fuissent veues ne oyez; et, plus, soubz umbre de guerre qui n'estoit pas au roy ne devoit estre, mais au duc de Bourgoingue et pow son fait particulier. Et, avec ce, on disoit que leckicde Bourgoingne faisoit lever sur les subgectz duroyaulme merveilleuses finances, tant par tailles, emprunts, réformacions, [comme en prenant ou]^ trésors d'églises, es cours de parlement, de chastellet et ailleurs, mises en dépost, et aultres sonmies de deniers qui estoient mises et consignées au proufïit de femmes vefves, et d'enfifans mendres d'ans, pour cause de ratraicte, ou rachas de revenues ou héritaiges. Et tant de maux innumérables estoient audit mandement, comme le tout se peult voir es cronicques, où ilz estoient bien et au long spécifiez et déclarez.
