M.P. et L., € sa maulvaise et mauldicie emprise

aux nobles du pays d'Artois, aux baillifz de Tournay et de Yermendois, par lesquelles il deffendoit, sur grosses paines, que de là en avant ilz ne s'armassent avec le duc de Bourgoingne, ne Tacompaignassent, ne luy, ne les siens, en quelque manière que ce fust ; mais, tantost et incontinent, se préparassent en armes pour servir le roy ; car, par l'aide de Dieu, il avoit intencion de pugnir et humilyer le duc de Bourgoingne.

En ce temps, l'évesque de Paris, à la requeste de l'Université, envoya devers le duc de Bourgoingne, pour sçavoir se il vouloit advouer maistre Jehan Petit des articles que aultrefifoiz avoit proposé, à sa requeste, contre le feu duc d'Orléans. Et le duc de Bourgoingne respondyt au message que il ne le vouloit porter ne advouer, sinon en son bon droit. Le message retourna à Paris [devers]^ l'évesque. La responce oye par l'inquisiteur de la foy, fut ordonné que les articles que avoit preschié publicquement [maistre Jehan Petit seroient arses publiquement ,] * présent le clergié et tous aultres qui veoir le vouldroient. Et ainsi fu fait ; et hit renommée que on yroit quérir les oz dudit maistre Jehan Petit, qui estoit trespassé et enterré dans la ville de Hesdin, pour les faire ardoir en la ville de Paris, ou lieu où les articles avoient été arses.

1. M., c Après laquelle response iceulx retournez à Paris devers « ledit évesque et l'inquisiteur de la foy, fut ordonné »