CHAPITRE XLV

Des remonstrances que le due de Bourgoingne feit aux nobles de son pays d'Artois et de Piequardie; et de la maladie que alors régnoit au royaulme de France ^ nommée la cocqueluce

Le duc de Bourgoingne oy nouvelles que le roy faisoit grant assemblées de gens d'armes. Pour laquelle cause il manda les nobles de son pays d'Artois et Picardie, pour estre devers luy en sa ville d'Arras ; et leur fist remonstrer que il avoit eu certaine^ nouvelles que le roy et le duc de Guienne estoient du tout tournez contre luy, par le moyen de ceulx qui les gouvernoient. Sy leur fist monstrer les lettres escriptes de la main du duc de Guienne, et avec ce leur fist dire qu'il avoit laissié ses gens es villes de Compeingne et de Soissons, pour le bien du roy. Toutesvoies, il savoit, de vérité, que l'assemblée que le roy faisoit, c'estoit pour recouvrer icelles villes; pour laquelle cause il requéroit aux nobles, qui là estoient, qu'ilz luy voulsissent baillier conseil et ayde. A quoy luy fut respondu de tous, que voulentiers le serviroient à l'encontre de tous ses adversaires, réservé le roy et ses enfifans. Mais le seigneur de Rom dist plus ; car il dist que il le serviroit contre le roy et contre tous aultres qui grever luy vouldroient.

Et, en ce temps, régnoit une malladie par tout le royaulme de France, qui tenoit en la teste; dont pluiseurs josnes et vieulx mouroient. Laquelle malladie se nonmioit la coqueluche.