CHAPITRE XL VI

De r armée que le roy meit siis contre le dm de Bourgoingne; et comment la ville de Compeigne fut assiégée ^ où le roy se trouva en sa personne; et commuent la ville luy fut rendue par appointement.

La roynne et le duc de Guienne tindrent conseil, ^ auquel fut conclud de faire guerre au duc de Bourgoingne et à ses aliez; et se tint le second jour de mars, en celluy an, où furent assemblez, en Thostel de Saint-Pol, la royne et le duc de Guienne, pour ce que le roy estoit malade. Là furent pluiseurs princes et prélatz. Auquel consiel, par la bouche du chancelier, fut remonstré, bien au long. Testât et gouvernement du duc de Bourgoingne, et comment il s'estoit conduit rigoreusement contro le roy et les seigneurs de son sang, par pluiseurs et divers foiz, depuis la mort du duc Loys d'Orléans, et pluiseurs aultres remonstrances ; requérant aux princes qui là estoient que, sur foy, serment et loyaulté qu'ilz dévoient au roy, le vaulsissent conseillier et le duc de Guienne, son filz , de ce qu'ilz avoient affaire contre le duc de Bourgoingne.

Or, est vray que, après ce que la matière qui grande estoit, ot esté bien débattue, fut, par la bouche de l'archevesquedeSens, dit, deTauctorité et ordonnance de tous ceulx qui là estoient , que Jicitement et de raison le roy povoit et devoit faire guerre au duc de Bourgoingne; considérés les manières qu'il avoit tousjours tenues et tenoit à l'encontre du roy, du duc

1 S8 CHRONIQUE DE JEAN LE FÉYRE [4 4l 3]

de Guienne et de tout lé bien publicque du royaulme. Sy fut conclud que le roy, en sa personne, se mecteroit sus, avec sa puissance, pour faire guerre au duc de Bourgoingne, ses alyez et aidans. Et là fiit fait promesse, mesmement de la royne, du duc de Guyenne et de tous les aultres, que jamais n'attenderoient à quelques ambassades, lettres ou aultres dioses, qui peussent venir de par le duc de Bourgoingne, jusque à tant que luy et les siens se seroient humiliez et du tout remis en l'obéissance du roy et de son conseil.

La guerre conclutte, le roy feist son mandement, par tout son royaulme, plus grant que oncques en sa vie n'avoit fait; et pariellement le feirent tous les princes qui là estoient; et tant que, en peu de temps, grant nombre de gens d'armes se trouvèrent en Fille de France et en la marche d'environ. Icelle assemblée faicte, furent envoyés aucuns capitaines devant la ville de Gompiègne, [qui] mirent le siège devant Gompiengne, de l'un des costez, en attendant la venue du roy. Et, affin que les gens du roy ne se peussent logier à leur ayse, ceulx de dedans la ville archrent et démolirent les fauxbourts de ladicte ville et pluiseurs notables édiffices, tant églises comme maisons. Mais, ce non obstant, les Franchoiz ne se laissèrent pas à levier, et, de fait, firent pons sur la rivière d'Oise, affin de asseigier la ville de tout en tout, ainsi qu'ilz fièrent.

Et le merquedy de la semaine péneuse, iiij® * jour

1. Le quantième du mois et le jour de la semaine concordent exactement ici, et pour la vraie date. Le dimanche de Pâques ouvrant Tannée 1414 le 8 avril, le mercredi saint tombait au 4. Mais les textes de Monstrelet diffèrent de celui de Saint-Remy,

d'avril, le roy yssit htHf*s de Paris, à grand estât, et s'en alla en la ville de Senlis, pour là atendre les princes de son sai% et de son armée. En fequelle armée on fist porter au roy et au duc de Guienneia bende et ensaigne du conte d'Erminacq ; dont pluiseurs se donnèrent grant merveille que il avoit laissié son enseigne andiienne et que ses prédécesseurs avoient tousjours porté en armes; c'est assavoir la blanche croix. Dont pluiseurs furent mal content, veu que [c'estoit]* en son royaulme ; et veu aussi la bende du conte d'Erminacq, laqueUe il portoit par condempnacion d'un pappe, en signe d'amendise de l'un de ses prédécesseurs , pour ung fourfait que il avoit commis contre l'Église. Toutteffoiz, la pluspart de ceste armée portoient les deux enssdgnes; c'est assavoir la croix et la bende.

Au commencement de l'an renouvelle de datte, c'est assavoir le lundy de pasques, l'an mil GGGG et xnn, le duc de Guienne, premier filz du roy, party de Paris à très noble compaignie, et alla à Senlis où estoit le roy son père. Après la venue du duc de Guienne, le roy tantost après se party, pour aller au siège de Gompiengne, et fut son premier logis à Verbrie ; et de là s'en alla au siège. Et quant à la roy ne et à la ducesse de Guienne, elles se partirent de Paris, et s'en allèrent à Meaulx en Brie ; et le duc de Berry demoura capitaine de Paris et gouverneur des marches d'environ. Le roy de Sézille s'en alla en son pays d'Anjou, et depuis

et ne s'accordent même pas entre eux; le ms. 2684, ainsi que l'édition D.D., portent : « le mercredi ... ii;«jour d'apvril; » et les éditions G. et B : « le samedi ... troisième iouT d'apvril. »

revint à Paris ; mais il ne fut point, tout le voyage, avec le roy.

Quant le roy fut arrivé devant la viUe de Gompiengne, il envoya devers ceulx de la ville ung officier d'armes, par lequel il leur fist nonchier sa venue, en les sonmiant qu'ilz luy feissent ouverture, pour y logier luy et les siens, comme raison estoit, et conmie bons loyaulx deb voient faire à leur souverain seigneur. Ceulx de la ville respondirent que très volentiers et de bon ceur le receveroient^ luy et son aisné filz de Guienne, avec leur estât, et non aultrement. Laquelle responce fu faicte au roy, qui aultre chose n'en fist pour l'eure. Si fu le logis du roy ordonné en la maison d'un bourgois de Gompeingne séant entre la ville et la forrest ; et le duc de Guyenne fut logié en l'abbaye de Royal Lieu, et les aultres princes tout à l'environ de la ville. Ganons et bombardes furent afustés qui donmiagèrent la ville. Pluiseurs saillies et escarmuches se faisoient, le siège durant ; entre les aultres, en y eult ung dont il fault faire mencion.

Yray est que messire Hector, bastard de Bourbon, manda à ceux de Gompiengne que, le premier jour de may, les yroit esmayer ; laquelle chose il fist, monta à cheval, en sa compaignie deux cens hommes d'arnàes des plus vaillans qu'il pot finer, et avec une belle compaignie de gens de pyé ; et tous ensemble , chascun ung chapeau de may sur leurs harnas de testes , allèrent devant la porte de Gompiengne , nonunée la porte de Pierrefons ; et avec eulx portoient une grant branche de may, pour les esmayer, ainsi que promis l'avoient.