M., c huit heures

nement de la paix ne se ' pourrent là baillier, ne d'un costé ne d'aultre, si fut ordonné, par le roy et son conseil, au duc de Brabant, à la dame de Haynnau et aux trois estatz de Flandres, qu'ilz fussent à certain jour en la ville de Senlis devers le roy, ou ses commis. Ces choses furent fàictes, et la paix cryée et publiée, comme vous advez ouy.

L'endemain que la paix avoit esté ainsi cryée, aucune gens de guerre, désirans d'aller devant la puissance du roy, se deslogèrent dès la mynuit, et, |i leur deslogement, bouttèrent le feu en leur logis. Or estoient, de mal adventure, les logis au dessus du vent, lesquelz tenoient ensemble couvers de paille : sy furent en peu d'heure alumez par telle fachon que ung chascun avoit assez affaire à sauver son corps. Et là y ot ung desroy si grant que oncques, en ost de prince, ne feust veu le pariel* : car là y ot ars prisonniers, gens mallades, harnois ^ de guerre, chevaulx, tenttes et pavillons, en si grant nombre et si belles que en ce temps oncques ne furent veues plus belles, ne plus riches. Et fut le feu si grant que, hastivement et devant le jour, failly faire lever le roy de son fit, non obstant que le feu se preist bien arrière de son logis. Le duc de Bar, le conte d'Erminacq etpluiseurs aultres, s'armèrent et se mirent aux champs et en belle bataille et ordonnance ; dont les aucuns furent ordonnez devant trois des portes d'Arras; car, non obstant la paix cryée, si ne se fièrent pas trop fort en ceulx de la ville.