M.P. et L.^ « kamas

Que VOUS dyroie-je? Ce fu le plus désordonné parlement que oncques fut veu ; et , sans pourveoir à leur artillerie, vivres de marchàns et ce qu'il couvenoit à Tost^ ung chascun s'en alla, excepté le duc de Bourbon et le conte d'Eu, qui estoient logiez de l'autre costé de la ville, qui se délogèrent en belle ordonnance et firent l'arière-garde.

Après icelluy deslogement tel que vous advez oy, yssirent ceulx de la ville qui tant de vivres trouverait que à merveilles, tous habandonnez des marchàns à qui ilz estoient ; lesquelles vivres, avec l'artillerie du roy qui sans garde estoit demourée , feirent mener dedens la ville ; laquelle artillerie fut depuis renvoyée quérir de par le roy. Mais, tout ne revint pas; car la pluspart fut perdue. Ainsi que vous advez oy, se de&loga le roy et toute sa compaignie de devant Arras, et retourna droit à Paris.

La roynne et la ducesse de Guienne estoient en ung castel, au dehors de Paris, séant sur Saine, entre Montmartre et Saint-Denis, nommé Saint-Huymon. Le roy alla là descendre : aussi fist le duc de Guienne ; et les aultres allèrent logier à Paris , et de là se retournèrent chascun en son pays.