CHAPITRE LVI
Comment les Parisiens furent mal content quHh n' avoient esté appeliez à traictier la paix devant Arras; et comment le duc s'en alla en BourgoingnCy où il print la ville et chasteau de Tonnoire.
Geulx de Paris oyans les nouvelles du traîctié fait par le roy au duc de Bourgoingne, sans les appeller, desplaisans de ce, allèrent devers le duc de Barry, leur capitaine et gouverneur, demander comment ioelle paix estoit faicte, et qui avoit* meu le roy et son conseil de le faire sans les appeller ; disans que à eulx appertenoit de le savoir, et bien estoit rayson que en icelle fussent comprins. Lequel duc de Berry leur respondy : « Ce ne vous touche en riens, ne entre- « mectre ne vous devez de monseigneur le roy, ne de « nous tous, qui sommes de son sang : car nous nous « courouchons l'un àl'aultre, quant il nous plaist; et, < quant il nous plaist, la paix est faicte. > Adont, ceulx de Paris, sans plus riens respondre, retournèrent en leurs propres lieux.
Or, est vray que, quant les duc de Brabant, dame de Haynnau, et depputez de Flandres eulrent fait rapport au duc de Bourgoingne, qui lors estoit en sa ville de Lille, et comment ilz avoient promis d'aller à Senlis pour la confirmacion de la dicte paix dont le duc de Bourgoingne fut content, toutteffoiz, ilz ne furent pas conseilliez, pour l'eure, de y aller. Pour laquelle cause ilz envoyèrent leur ambassade ; c'est assavoir le doyen de l'église cathédrale de Liège, Guillaume Blondel, escuier, et pluiseurs aultres, à comparoir pour eulx et en leurs noms, devant le roy et son conseil pour la cause dessus dicte, au Jour et lieu dessus nommé. Lesquelx ambassades ne peulrent avoir responce du grant conseil du roy sur leurs demandes et requestes, pour ce que le roy estoit malade ; et, pourtant, retournèrent vers leurs seigneurs sans riens besoingnier.
Après ce que le roy et ses gens furent partis de devant Arras, le duc de Bourgoingne fist aller logier ses Bourguignons ou pays de Gambrésis et de Terraisse, et alla, en sa personne, en la cité de Gambray ; auquel lieu vint devers lui son frère de Brabant. Et après ce que il ot eu avec lui aucun parlement sur ses affaires, et aussi que il eult ordonné ses besoingnes, il print son chemin pour aller en Bourgoingne, et mena avec lui messire Robert de Mailly, maistre Ëustasse de Lattre, qui naguaires avoit esté chancellier, Jehan le Gois, maistre Jehan de Troies, serurgien, Denisot de Ghamont, Gaboche et pluiseurs aultres qui autreffoiz avoient esté bannis du royaulme de France ; ensend3le leurs femmes et enffans, et ses Bourguignons, qui tous ensemble avec aucuns aultres, tant de Picardie comme d'aultre pays, povoient estre xx"' chevaulx. Et fist son
1 92 GHRONIQUft DE JEAN LE FÉVRB [1 41 4]
premier logis à le Ghappelle en Terraisse, et d'illec prinst son chenun à Maizières sur Meuse, et là reposa pour ung petit de temps avec son frère, le conte de Nevers ; puis alla logier devant Ghàlons.
Mais, ceulx de la ville cloyèrent leurs portes devant luy et ses gens, par vertus d'unes lettres envoyées du roy, contenant que luy ne ses gens ne le meissent ne reçeussent en leur ville. Laquelle chose despleut au duc de Boui^oingoe ; car il avoit voulenté de illec passer Teaue de Marne. Sy print son chemin à Vitry, y cuidant passer ; mais on lui refusa le passage, comme on fist à Ghàlons ; et enfin s'en alla logier vers Saint-Digier où il passa la rivière de Marne ; et, après ce, prist son droit chemin à Digon , ouquel lieu il fut receu honnourablement et joyessement de tous ses subgectz.
Le duc de Bourgoingne, au partir de Piccardie, avoit donné congié à tous ses capitaines d'icelles marches , lesquelz demourèrent pour la garde de ses pays; et d'aultre part laissa, à son département, à son filz, Philippe, conte de Carrolois, le gouvernement de Flandres, seul et pour le tout, jusques à son retour. Ne demoura guaires, après ce que le duc de Bourgoingne fut arrivé en sa ville de Dijon, que il fist prendre la ville et chasteau de Tonnoire, lesquelz furent pilliez [et] ^ le chastel destruit et désolé par ses gens. Duquel chastel s'estoit party, ung peu devant, le conte de Tonnoire et ses gens d'armes, pour la doubte de la venue du duc de Bourgoingne et de ses gens, desquelz estoient capitaines messire Ëlion de Jacqueville, Fierbourg et aucuns aultres.
