CHAPITRE LV
Le contenu des articles de la paix^ qui fut jurée par le duc de Brabant^ la contesse de Haynaulx et les députez du duc de Bourgoingne^ d'une part; et^ d'aultre, par le duc de Guienne^ le duc d'Orléans et le duc de Bourbon et aultres.
Et pour venir à parler du traictié fait devant Arras, où le duc de Brabant et la contesse de Hay nnaut , sa seur, estoient pour le duc de Bourgoingne; lesquelz avoient de luy bien ample povoir, pour pacifyer, accorder et obligier le duc de Bourgoingne à tout ce que ilz le vouldroient obligier touchant laditte paix et traictié qui là fîi fait. Lesquelles choses forent traictiez en la présence du duc de Guienne, qui fut tel qu'il s'ensieult, ou en substance :
« Premiers, fut ordonné, pour ce que ou temps passez sont advenuz pluiseurs donunages ou royaulme de France, contre le plaisir du roy et de son filz, le duc de Guienne, que, en toute humilité, humblement leur supplieront lesdis de Brabant, dame de Haynnau et depputez de Flandres, ou nom du duc de Bourgoingne, et comme ses procureurs de luy fondez souffissanunent, que en toutes choses où le duc de Bourgoingne a défailli, depuis la paix faicte à Ponthoise, où le roy et le duc de Guienne pevent avoir prins desplaisance, ilz leur veuUent pardonner et en leur bonne grâce et amour le recepvoir. En oultre, iceulx traicteurs dessus nommez bailleront ou feront baillier au duc de Guienne, ou à ses commis, les clefz de la ville d'Arras et cité, et aussi de toutes aultres bonnes villes et forteresses ou royaulme de France, appertenans au duc de Bourgoingne ; esquelles le roy, ou son filz, mecteront baillifz, capitaines et aultres officiers, telz que bon leur semblera, sans pour ce enfraindre la paix. En après, fera le duc de Bourgoingne délivrer au roy, ou à ses commis, le chastel du Grotoy, et de fait le remètera en sa main.
€ Item, le duc de Bourgoingne sera tenu de mectre
hors, et eslongier de luy et de sa famille, aucuns lesquelz sont en l'indignacion du roy et du duc de Guîenne, sans plus les soustenir en nulz de ses pays ; et luy seront iceulx déclarez et bailliez par escript, en tempz et en lieu.
€ Item, toutes terres, prinses et mises en la main du roy, des vassaulx, subgectz, bien veullans, aliez et favorissans du duc de Bourgoingne, de quelque estât qu'ilz soient, pour l'occasion de ceste guerre, seront mises et restituées en iceulx ; et aussi tous banissemens et appellacions faiz à la cause devant dicte seront mis à néant. Et pariellement, se le duc de Boui^oingne a mis ou fait mectre aucunes terres ou seignouries, ou biens quelconcques en sa main, des favorissans, ou de ceulx qui ont servi le roy en ceste présente armée, de quelque estât qu'ilz soient, seront mis à plaine délivrance.
€ Item, combien que lesdis traicteurs ayent affermés au roy et au duc de Guienne, que le duc de Bourgoingne n'a nulle confédéracion ou alliance aux Anglois, néantmoins pour oster toute souppechon, les dessus nommez pour le duc de Bourgoingne prometterontque, doresnavant, il ne procédera ne fera procéder par manière d'alliance avec les Ânglois, se ce n'est par le congié et licence du roy et du duc de Guienne.
€ Item, quant à la réparacion de l'onneur du duc de Bourgoingne, pour ce que pluiseurs lettres ont esté faictes en pluiseurs lieux de ce royaulnie, envoyez dehors, lesquelz le duc de Bourgoingne dist estre à sa charge et deshonneur, est ainsi que après ceste paix faicte et que le roy sera à Paris, disposera aucuns de son conseil avec aucuns des gens du duc de Bourgoingne telz qu'il lui plaira à conunectre , et aviseront
ensemble , premiers saulf i'onneur du roy , telles [lettres] que faire se pourront, à la descharge et réparacion du duc de Bourgoingne.
€ Item, promettera le duc de Bourgoingne que jamais ne fera ne procurera estre fait par lui, en appert ne en couvert, aucun mal, destourbier, ou empeschement aux vassaulx et officiers du roy qui en ceste querelle l'ont servi, tant en personnes que soubz aultres capitaines de leur compaignie ; ne aussi aux bourgois de Paris ne aux aultres habittans, par voye de fait ne par aucune manière ou occasion dudit service, empeschement ne fera, ne d'estre fait ne procurera.
€ Item, le roy veult et ordonne, pour tousjours tenir ses subjectz en vraye obédience, comme ilz doivent estre tenus, que le traictié de Chartres et aultres traictiez, qui depuis ont esté fait, soient fermement et sans corruption gardez ; et que, se aucune chose y a à garder, à parfaire et réparer, que de l'un et de l'autre soient faiz et réparez.
a Item, pour la sceureté des choses dessus dictes, estre fermement tenues et acomplies par le duc de Bourgoingne, le duc de Brabant et la dame deHaynnau et les dessusdis depputez jureront, ou nom du duc de Bourgoingne, par tous les pays, que le duc de Bourgoingne [tiendra] fermement et gardera perpétuellement ceste bonne paix, sans désormais faire venir ou procurer, pour lui, ou pour aultruy, aucune chose au contraire. Et, ou cas que le duc de Bourgoingne commencheroit aucune chose, en appert ou en couvert, contre la teneur et traictié de ceste bonne paix, iceulx duc et dame ne luy feront ne donneront aucune ayde, ne conseil de corps ne de pécune, en quelque manière que
ce soit ; veu aussi que les seigneurs du sang du roy et aultres, et bonnes villes de œ royaulme feront send>lablement serment; et de ce, les dessus dis bailleront bonnes lettres et compétentes à Tordonnance du roy et de son conseil. Et, avec ce, prometteront le duc de Brabant et dame dé Haynnau que les depputez feront léalment leur povoir à faire semblablement jurer et promectre par ceulx d'Arras, et les nobles et aultrez qui sont dedens, à tenir les choses dessus dictes , et aussi ceulx qui, pour le présent, sont en la conlpaignie du duc de Bourgoingne. >
Après lesquelles choses traictées et mises par escript, afiîn que mieulx fussent entretenues, jurèrent et firent serment les parties acomplir et entretenir le traictié loyaulment et fermement. Et, premiers, jurèrent le duc de Brabant et dame de Haynnau, avec eulx les depputez, eulx faisant fors du duc de Bourgoingne, bien veullans et aliez, conune dit est. En après que iceulx eulrent fait le serment en la présence du duc de Guienne et de pluiseurs aultres princes et grant conseil du roy, le duc de Guienne jura et fist serment solempnel de entretenir la paix et traictié dessus dis ; et puis, appella Charles, duc d'Orléans, son cousin germain, en luy requérant qu'il vousist jurer la paix et traictié dessus dis. Lequel d'Orléans s'endina bien bas, en disant au duc de Guienne : < Monseigneur, je ne suis pas tenu € de faire serment ; car je ne suis venu seuUement que € pour servir monseur le roy et vous. > Et alors le duc de Guienne luy dist : < Beau cousin, nous vous « pryons que jurez la paix. > Et encoires le duc d'Orléans dist une foiz : « Monseigneur, je n'ay point rompu € la paix, et ne doye pas faire serment : plaise vous
< estre content. > Âusquelz paroUes, derechief pour la tierce foiz, luy requist le duc de Guienne pour ce faire. Et adont le duc d'Orléans, par grant couroux, dist :
< Monseur, je n'ay pas rompu la paix, ne ceulx de
< mon costé : faictes ceulx venir qui Font rompu, « présent vous, sérement faire, et affres je feray « vostre plaisir. > Et alors Farchevesque de Rains et aucuns aultres, véans le duc de Guienne non estre content de tant de paroUes, dirent au duc d'Orléans :
< Monseigneur, faictes ce que monseigneur de Guienne « vous requière. > Lequel, après toutes ces choses, fist serment d'entretenir la paix, ainsi que contre sa volonté ; et luy sembloit que le duc de Bourgoingne et ses aliez avoient rompu la paix derrenièrement faicte et jurée à Ponthoise.
En après, fut appelle le duc de Bourbon, lequel, conrnie avoit fait le duc d'Orléans, cuida faire altercation de paroUes ; mais, incontinent, le duc de Guienne luy coppa court , disant : < Beau cousin , nous vous a pryons que n'en parlez plus. > Et là fist le duc de Bourbon sérement, et tous les aultres princes enssuyant le firent pariellement^ sans y mectre contredit et aussi les prélatz, réservé l'archevesque de Sens, frère de Montagu, qui dist au duc de Guienne : < Monseigneur, « souviengne-vous du sérement que feistes, et nous « tous, au partir de Paris, présent la royne. » Et le duc de Guienne respondit : < N'en parlés plus ; nous € voulons que la paix se tiengne, et que vous le « jurez. > L'archevesque respondit : « Monseigneur, « puisque c'est vostre plaisir, je le feray. > Et n'y ot plus, de toutte la seigneurie du roy, qui feist refuz de jurer la paix, que les trois dessus dis.
1 90 CHRONIQUE DE JEAN LE FÉVRE [1 41 i]
Et furent toutes ces choses acomplies par avant que le roy et ses princes se partissent de devant Ârras. Après lequel département, et que le roy fut retourné à Senlis, pluiseurs nobles et aultres, qui avoient esté en son armée, morurent de fleux de ventre; entre lesquelz morut Ëmond de Labrecht et son frère, le seigneur de Hangest et aucuns aultres.
