CHAPITRE LVII
Du concilie qui se tint à Constance , où le cardinal de Columne fui esleu pape^ et se nomma Martin; et comment le conte Wallerand de Saint-Pol asseiga la forteresse de Neufville sur Meuze^ qui lui fut rendue.
En icelle année se tint le consille , à Constance en Âllemaingne, de pluiseurs cardinaulx, patriarches, évesques et archevesque, avec aultres prélatz; et aussi y furent pluiseurs ambassades [de]^ roys et princes
1 . M. — Cette préposition manque dans nos deux manuscrits ; mais L. Ta employée.
chrestiens. Et estoit lors très grant division en l'Église par Pierre de la Lune, nommé le pappe Bénédic, qui se disoit vraye pappe, nonobstant que substracion luy estoit faicte, pour pluiseurs causes, de la plus grant partie de chrestiéneté ; et ne avoit mais obéyssance que en Espaingne et en Arragon. Auquel royaulme d'Arragon il se tenoit en une forte ville sur la mer.
Et aussi, en icel an, avoit esté prins et mené en prison , en la duchie de Bavière , le cardinal de Bouloingne, nommé le pappe Jehan ; et le prist le roy des Rommains, empereur d' Alemaingne , pour pluiseurs criesmes et articles que on luy mectoit sus. Et pour mectre FÉglise en bonne paix et union, fist tant le roy des Rommains (jue le consille fu mis audit lieu de Constances ; en laquelle ville le concilie se tint continuellement par l'espasse de deux à trois ans, ainchois que ceulx des royaulmes d' Arragon et Espaingne y venissent. Lesquelz y vindrent en l'an mil CCCG et xvn, ou mois d'aoust, à très belle et noble compaignie de prélatz et de chevaliers ; et tant que, après leur venue, on procéda à vraye élection de pappe. Et en fin fut esleu, confermé et pontifié le cardinal de la Colombe, de la nation de Romme, en l'an mil rai® et xvil ; et fut nommé pappe Martin.
Le conte de Saint-Pol, soy disant encoires connestable de France, se party de la conté de Saint-Pol, à tout environ vj^ combatans, hommes d'armes et archiers, desquelz avoit bien Ix Anglois ; et s'en alla, par sa ville de Bohain, à Laon. Auquel lieu lui furent fermées les portes; dont il fut raalcontent et se loga au dessus* d'icelle ville ; et puis, de là à Rains, à Challon, à Ligny en Barrois. Et, tantost après, le sieuvy la contesse sa
femme, seur au duc de Bar, lesquelz tous ensemble sollempnisèrent la feste de Tous les Sains en la ville de Ligny, et s'en alla à Luxembourg, à Thionville et en aucunes aultres bonnes villes de la duchie de Luxembourg ; de laquelle duchie il estoit gouverneur et de la conté de Signy, à cause de la contesse, sa fenune. Et après que il ot visité les bonnes villes et forteresses oudit pays, se prépara environ la Saint-Andrieu pour asségier la forteresse de Neufville sur Meuze, en laquelle estoient aucuns haussaires de par le seigneur d'Orchimont, qui continuellement couroient et faisoient guerre en la duchie de Luxembourg et conté de Cigny. Et furent asségié par le conte de Saint-Pol, lequel ayoit en sa compaignie de nobles gens de guerre ; c'est assavoir, messire Colard de Fiennes, Gaviot de Bourgnoville, Allain de Vandomme et pluiseurs aultres. La place fut fort battue [de bombardes et la basse-court prinse d'assault, et aussi en firent leur vouloir; et, après bien trois mois que le siège y eult esté, la place se rendy. Après laquelle reddicion le conte de Saint- Pol s'en alla à Ywis, où il fut grant espasse de temps sans luy partir, se n'estoit pour aller esbattre au champs.
En icelle saison, le duc de Guienne se party de Paris pour aller à Melun, à Montargis et à Bourges, et fu logier au palais du duc de Berry ; et n'avoit, à son partement de Paris, que viij personnes avec luy. Mais les contes de Vertus et de Richemont le sceurent; si le sieuvyrentetl'acompaignèrent tout le voyagei et l'endemain se partyt sans le sceu de ceulx de Bourges, et s'en alla au chastel de Mehun sur Yèvre, que luy avoit donné le duc de Berry après sa mort ; et fut la cause pourquoy il alla en Berry. Le chastel luy pleust très bien, et
en iceiluy y demoura ung mois; après, retourna à Paris. En ce mesme temps, le conte de Warwic, trois évesques et trois abbés et pluiseurs notables chevaliers et clercz, docteurs en théologie et en décret, jusques au nombre de viij cens, descendirent à Calais, et, par Flandres, allèrent au concilie de Constances, de par le roy d'Angleterre et de son royaulme, en moult noble appareil ; lesquelz furent joyeusement receuz du pape et concilie, et du nouvel roy d'Allemaingne et de Hongrie.
