L. et B., « et donnèrent de si grant forche

Après les armes des haches, yssirent tenans les espées es mains, lesquelles estoient enfeutrées à tout fortes et grosses rondelles sur la main; desquelles assemblèrent de combattre, en frappant l'un sur Fautre d'estocq et de taille, de si grant force que non obstant le nombre des cops acomply et le baston gecté pour les prendre, si ne sceurent faire si grant diligence les gardes que, pour xij cops, ilz n'en feissent xviij, si très radement que on ne les savoit prendre.

Après icelles armes d'espées faictes et la retraicte en leurs pavillons, yssirent les daghes en la main, desquelles ilz abprdèrent à combattre, et firent le nombre et plus ; mais ce sembla peu de choses, au regard des haches et espées. Sy furent ainsi les armes que vous advez ouy acomplies à Tonneur des deux parties. Aultres armes furent faictes, à cheval, d'unPortingallois contre ung Franchois, devant Saint-Anthoine , auprès de la porte Baudet, lesquelles armes estoient nombres de courses de lances qui se firent et parfirent.

Or, advint que pluiseurs chevaliers et escuiers du royaulme de France se assemblèrent ensemble, et regardèrent qu'ilz estoient pluiseurs Portingalois venus du royaulme de Portingal en intencion de faire armes. Sy se conclurent ensemble qu'ilz se trou veroient trois nobles hommes, lesquels envoyeroient, devers les Fortingallois, leur signifier et dire que ilz sçavoient bien qu'ilz estoient venus du royaulme de Portingal, à l'intencion, par armes, d^avoir Tacointance d'aulcuns nobles hommes du royaulme de France. Pour laquelle cause, s' estoient trouvez ensemble trois nobles hommes, qui leur faisoient savoir qu'ilz estoient prestz de leup acomplir leur désir et vouloir ; c'est assavoir^ de faire

armes contre trois hommes nobles de leur compaignie, par ainsi que ce seroit à combattre de hache, d'espée et de daghe, tant que les ungs ou les aultres se seroient rendus à leurs compaignons, ou à estre portez par terre. Laquelle chose oye des Portingallois, prindrent jour à respondre ; lequel jour fut très brief, et accordèrent les armes dessusdictes , desquelles armes le duc de Guienne fut juge. Et se firent, au dehors de Paris, en l'un des hostelz du roy séant entre Saint-Denis et Montmartre, nonuné Saintthouin.

Quant le jour fut venu pour faire icelles armes, le duc de Guienne, en son hourt, acompaignié de son oncle duc de Berry, les trois François, c'est assavoir, messire Franchois de Grignaulx, Maurigon deSongnacq et la Rocque, entrèrent dedens les liches, esquelles avoit trois pavillons tendus pour eulx trois ; mais, avant qu'ilz entrassent dedens leurs pavillons, ils allèrent faire la révérence au duc de Guienne, leur juge. Après, vindrent les trois Portingalois ; c'est assavoir, messire Alvaro Continge, Pierre Gondsalve de Mallefaye, et Rumaindres, lesquelz, aussi, firent la révérence au juge , puis entrèrent en leurs trois pavillons. Après, comme il est acoustumé de faire, furent cris, defiTenses ; et, aultres sérimonnies faictes et acomplies, yssirent [les]^ vj hommes nobles de leurs pavillons, cottes d'armes vestues, et portoient les Portingalois la croix rouge sur leurs cottes d'armes, tenans leurs haches en leurs mains, et garnis, chascun, de leurs aultres bastons. Si assemblèrent ensemble à combattre ; assavoir, messire Franchois de Grignaulx contre messire Alvaro