L. et B

Gontinge , Maurigon de Songnacq contre Pierre Gondsalve , et la Rocque contre Rumaindres ; et les faisoît beau veoir. Â la vérité et au marchier, péroient bien hommes d'armes.

Or advint la fortune à Rumaindres, que on tenoit le plus puissant de tous les six, que, en combattant de sa hache, du bout de sa daghe, en poussant contre la Roche de toute sa puissance et tant qu'il faisoit démarchier la Rocque, quant la Rocque sentit que ledit Rumaindres mettoit toute sa puissance ^ pour le faire reculer, il desmarcha ung pas ; par laquelle desmarche Rumaindres chut d'un genoul à terre. Lors, la Rocque féry dessus et de tout le corps le mist à terre. Ne sçay se le Portingalois se rendy ou non, ne quelles parolles eulrent ensemble; mais, est vray que la Rocque le laissa et alla aidier son compaignon, Maurigon, et se trouvèrent eulx deulx sur Pierre Gondsalve, lequel se rendit tout droit. En après, Maurigon et la Rocque allèrent aidier à messire François de Grignaulx, qui combatoit le chevalier Portingalois. Si se' trouvèrent les trois François sur le chevalier de Portingal, lequel combatty les trois. Mais, en combatant, d'un tour de bras que Maurigon luy bailla, il le feist cheoir à terre. Si furent les armes acomplies si comme vous advez oy. ToutefFoiz, il fut demandé au chevalier Portingalois auquel des Franchois s'estoit rendu, et il respondy que il s'estoit rendu à eulx trois ; et véritablement il acquist, non obstant sa fortune, grant honneur, ce jour, en tant que pluiseurs le tenoient le plus vaillant des vj.

Au paravant de la bataille des vj, l'an mil rai® et xim,