Ces lettres sont du 5 août
lieu, comme bon luy sembleroit ; et que il s'en allast, quant il luy plairoit, devers son seigneur le roy d'Angleterre.
Après ce que le roy d'Angleterre eult esté une espasse de temps en sa ville de Hantonne, en atendant ses gens et navire, ung peu devant son partement, lui advint une grande adventure, voire se elle eust esté exécutée, conrnie vous orez. Or est vray que le conte de Cambery^ nepveu du conte de Rotelin, fîlz du duc d'iork, les seigneurs de Seroupt et de Cobein se tirèrent devers le conte de la Marche, que on tenoit pour vray héritier de la couronne d'Angleterre et de feu le roy Richart ; et luy dirent et remonstrèrent conunent il estoit vray héritier d'Angleterre et que il trouvast manière de soy excuser de passer la mer pour aller en France avec le roy Henry, fust par maladie ou aultrement ; et, se il demouroit en Angleterre, pour tant que il les vausist croire, ilz le feroient roi. Ausquelles remonstrances le conte de la Marche respondit que c'estoit matière de grant poix, et que sur ce il auroit adviz, et que brief il leur en feroit responce. Lors se départirent, sans de celle chose plus parler. Le conte de la Marche pensa, celle nuit, fort sur ce que les seigneurs lui avoient dit.
Quant ce vint l'endemain, il trouva ses manières à part de parler au roy d'Angleterre en secret. Si luy descouvry le consiel et offres que les seigneurs dessusdis luy avoient fait et promis, et dist au roy : « Sire, « je vous tiengs pour mon souverain seigneur; le « sérement que je vous ay fait , vous vouldroye je « tenir jusques à la mort, ne pour riens qui me puist « advenir je ne vouldroye aller au contraire. ^ Le roy
d'Angleterre, qui estoit fort sage et ymaginatif, pensa moult fort à ceste besoingne, et dist au conte de la Marche : « Beau cousin, de vostre léaulté et bien que € me vouliez, je vous merchie. Souffrez-vous d'en € parler à personne tant que vous en demanderay. ^ Lors, le roy d'Angleterre assembla son grant conseil, avec luy tous les princes de son armée , et à icellui conseil mist les choses en terme par manière de fiction ; disant que il avoit entendu que aucuns de ses subgectz avoient practicqué et de fait pratiquoient, et vouloient persévérer que de tous poins le débouter et mectre hors de la possession de la couronne d'Angleterre ; laquelle chose il ne povoit croire. Et lui mesmes à tous ceulx qui estoient là en demanda les oppinions, en leur demandant, se les choses estoient véritables, que léallement le vaulsissent conseillier de ce qu'il en auroit affaire , et que il feroit de ceulx qui telle tray^on machinoient contre luy.
Sy en demanda aux plus grans seigneurs qui là estoient ; puis vint adreschier sa parolle au conte de Combry, aux seigneurs de Scroup et de Gohem ; lesquelz respondirent au roy et dirent : « Sire, cellui ou « ceulx qui vouldroient machiner, ne faire telle tra- « hison allencontre de vous, sont dignes de souffrir « mort si cruelle que ce soit exemple à tous aultres. v Et pariellement tous ceulx qui estoient au conseil en dirent autant, et que de trop malle mort on ne les povoit faire morir. Ce conseil tenu et les oppinions tous veuz, comme dit est, lesfist parler l'un devant l'autre; c'est assavoir, les contes de la Marche, de Combry, Seroup et Golhen ; et là, sans guaires grans langaiges et sans gehine, les seigneurs dessus dis confessèrent le
cas qu'ilz avoient conseillié au conte de la Marche et par la manière que dessus est dit. Âdont le roy d'Angletenre^ moult courouchié de la chose advenue par les dievaliers dessusdis, lesquelz il avoit moult amés, enespécial le seigneur de Seroup, lequel par pluîseurs foiz il avoit couchié devant luy et en sa chambre, les fist à tous trois trenchier les testes, puis mectre en quatre quartiers, et les fist envoyer en quatre les plus pnncipaulx vUles du royaukne d'Angleterre.
