CHAPITRE LXV

Comment le roy d'Engleterre descendit et print port entre Honnefleu et Harfleu, et assiéga la ville de Harfleu^ laquelle^ par faulte de secours, luy fut rendue.

Ne demeura guaires, après la justice faicte, que le roy d'Angleterre se prépara de tous poins, pour monter sur mer et tirer vers France. Si advint, quant le roy fut monté en son navire , et toute sa ccmipaingnie preste pour partir et passer en France, comme il fist, une grande adventure. Advint que le feu se frappa en aucunes de ses navires ; et y ot trois gros navires ars et péritz, et tout ce qui estoit dedens, ou peu s'en failly ; et tellement actaint le feu que, depuis / que lesdis navires furent espris et presque tous coih

sunmiez par feu, le marien d'icelles navires ardoit tout cler à flambe dedens l'eaue. Et fut bien grant adventure que il n'y ot plus grant meschief ; mais chascun navire se tira arrière du feu , car nulz ne l'osoit approchier.

Icelles deux adventures advinrent au roy d'Angleterre avant son partement ; dont les pluiseurs de ses gens s'esmerveiilèrent fort et doubtôient plus grand inconvénient. Pour lesquelles adventures en y ot aucuns qui conseillèrent au roy de non aller plus avant ; mais il ne les vault croire et passa la mer, luy et toute son armée; et tant exploitèrent de nagier que, par une nuyt, veille de l'Assumption Nostre-Dame, ilz prindrent port à ung havre qui est entre Hontfleu et Harfleu, où l'eaue de Saine chiet en la mer ; et povoient bien estre viij® vaisseaulx chargiés de gens et de habillemens de guerre ; et prindrent terre sans effusion de sang.

Et après que tous furent descendus , le roy d'Angleterre se loga à Guerarville, en une prioré, et les ducz de Clarence et de Clocestre, ses frères, assez près de luy, et les aultres où ils porrent le mieulx. Et, après ce, assiégèrent la ville de Harfleu, qui estoit la clef de la mer de toute Normendie et fermèrent le siège, ainsi qu'ilz ont acoustumez de faire. Sy feirent leurs aproces, dreschèrent leurs engins et bombardes, et commenobèrent à battre la ville de tous costez. Dedens Harfleux estoiententrez, avec ceulx de la ville, environ iij^hommes d'armes François, pour garder la ville ; entre lesquelz estoit le seigneur d'Estouteville , capitaine de par le roy, les seigneurs de Blainville, de Hacqueville, de Harmaville, de Briant, de Gaucort, et pluiseurs aultres. Quant les Anglois eulrent mis le siège, ilz envoyèrent leurs fourriers courre par le païs, prendre prisonm'ers, vivres et aultres choses à eulx nécessaires, et les amenèrent en leurs ostz, en faisant tous les maulx que faire povoient. Le roy d'Angleterre alloit souvent autour de la ville, pour visiter les lieux les plus convenables pour I 15

S26 CHRONIQUE DE JEAN LE FÉYRE [lit 5]

asseoir ses gros engiens. Les murs de la ville, par les gros engins qu'ilz gectoient, furent fort adommagiez, et ceulx de la ville se deflfendoient très bien. Mais ne leur prouffita guaires ; car les Anglois, par le traict de leurs archiers, les reboutoient à force dedens leur ville.

Or advint une moult malle adventure à ceulx de la ville ; car, en ce temps, le roy leur envoyoit grant foison de poudres et traict. Le roy d'Angleterre en fut adverty . Si envoya hastivement de ses gens au devant, qui les prindrent et amenèrent en son ost. Durant icelluy siège, le roy envoya grans gens en la cité de Rouen et en la frontière contre les Anglois, lesquelz Franchois très diligamment gardèrent le pays, tant que les Anglois, estant devant Harfleu, ne prindrent ne ville, ne chasteaulx dedens le pays; jà soit ce que les Anglois y traveillèrent assez le plat pays pour quérir vivres ; car ilz eulrent grans deffaulte de vivres, pour ce que ceulx que ilz avoient amenez d'Angleterre estoient jà tous faillys et gastez de Fair de la mw.

Et avec ce férit entre eulx maladie de cours de ventre, dont morurent bien deux mil ou plus. Entre lesquelz furent les principaulx, le conte de Stanfort, Févesque de Nordvich, le seigneur de Beaumond, le seigneur de Trompanton et Morisse Brunel, avec pluiseurs aultres nobles. Néantmoins, le roy d'Angleterre» en grant diligence et labeur, persévéra tousjours iSb son siège et fist faire trois minnes par desoubz la mn^ raille, qui estoit preste pour enfundrer; et, avec ce, fist par ses engins abattre grant partie des portes, tours et murs d'icelle ville. Par quoy, finablement, furent ceulx de la ville mis en telle nécessité qu'il leur couvint

prertdre traictié avec le roy d'Angleterre, qui fut tel qu'ilz se renderoient tous prisonniers, la vie saulve, moiennant qu'ilz auroient jour ccHDp^tent de rendre la ville, ou cas que à ce jour ilz ne auroient secours.

Icellui traictié fut des parties accordé, et envoyèrent les Francbois devers le roy et le duc de Guienne, pour luy dénunchier le traictié tel que dessus est dit, et, aussi , se ilz seroient secourus . Les messagiers trouvèrent le duc de Guienne à Vernon sur Saine, lesquelz luy remonstrèrent Testât et la nécessité de ceulxdeHarfleu, qui pryoient au roy et à luy de avoir secours en dedens les jours qui accordez est oient. Mais, à brief dire, il leur fut respondu que la puissance du roy n'estoit pas encoires assemblée, ne preste, pour baillier secours si hastivement ; et, sur ce, retournèrent les messages; c'est assavoir, le seigneur de Jacqueville, qui fist son rapport ; dont tous les nobles et ceulx de la ville furent moult troublez.

Vous advez bien ouy conmient les ambassadeurs de Harfleu furent à Vernon parler au duc de Guienne et la responce qu'ilz eulrent. Pour la quelle cause il leur convint rendre la ville ; laquelle reddicion se fist par la manière que dessus est dit, qui fut une piteuse chose à oyr à ceulx qui estoient dedens la ville. Après ce qu'il fut venu à la congnoissance du roy comment la ville de Harfleu estoit rendue es mains de son adverirôre le roy d'Angleterre, doubtant que il ne vaulsist faire aultres emprises sur son royaulme, afiia de y résister, fist mander par tous ses pays le plus^ grant

1. M.P. et L., € fist mandement par tous ses pa.ys pour avoir le c plus. »

nombre de gens d'armes que il y pot finer ; et, avec ce, rescript par toutes ses bonnes villes le devoir en quoy il s'estoit mis par devers le roy d'Angleterre. Pourquoy, il commandoit à tous ses subgectz et vassaulx, tant en Picardie comme aultrespart, que tous, à la plus grant puissance qu'ilz pourroient finer, le venissent servir, pour obvyer et résister allencontre de son adversaire le roy d'Angleterre, et mandoit que tous ses subgectz allassent devers le duc de Guienne, son filz.

Auquel mandement tous ceulx de France, de Picardie et d'aultre part obéyrent et y allèrent, à puissance de gens, jà soit ce que le duc de Bourgoingne, qui lors estoit en son pays de Bourgoingne, pour les guerres qu'il avoit en France allencontre des enffans du duc d'Orléans, manda, par ses lettres patentes, aux seigneurs de Picardie, que ilz ne se bougassent et ne ser^ vissent ne parteissent de leurs hostelz, jusques à tant qu'il leur feist savoir. Non obstant ce, riens n'en fiit fait ; mais obéyrent au conmiandement du roy.