M.P. et L., c le certiffîa — pour sa teste
Somme, cuidant sur icelle trouver passage. Tant chemina qu'il se trouva assez près d'Amiens ^ et après prinst son chemin à Boves, où il se loga. '
En icellui village avoit à foison de vignes, dedens lesquelles avoit foison de vins en queves, dedens les pressoirs ; et là alloient les Aiiglois quérir du vin ; dont le roy estoit fort desplaisant et leur deffendoit. Sy lui fut demandé pourquoy il leur deffendoit, et qu'il convenoit les petis compaignons emplir leur bouteilles. Il leur respondi que il n'estoit point malcontent des boutailles; mais la pluspart faisoient leurs boutailles de leurs ventres, dont il estoit doulans; et la cause si estoit de paour qu'ilz ne se enyvrassent.
Icelluy village de Boves est assiz sur rivières ; et sur ung petit rocq est assize une belle forteresse, laquelle est au conte de Waudemont. Le roy d'Angleterre et tout son ost estoient en grant disette de pain, et ftit composé ledit village à viij corbellées de pain, chascune portée par deux honmies ; lesquelles par le capitaine de ladicte forteresse furent présentées au roy d'Angleterre. Le roy d'Angleterre avoit deux gentil hommes de sa compaignie moult fort mallades, lesquelz il bailla audit capitaine ; et devoit payer, pour leur renchôns, pour chascun une haghenée. Si bien se^ gouverna ledit capitaine envers le roy d'Angleterre qu'il en valut depuis de mieulx.
Au deslogier de Boves, le roy d'Angleterre, avec luy son armée, prinst son chemin vers Néelle en Yermendois ; et, quant le roy passa devant icelle ville de Néelle, ilz avoient leurs murs couvers de couvertoirs la pluspart vermaulx. Alors que le roy d'Angleterre alloit ainsi costiant la rivière de Sonmie, pour trouver pas-
[1 il 5] SEIGNEUR DE SAINT-REMY. 235
sage, estoient, à Abeville, messire Charles de Labreth, connestable de France, avec pluiseurs aultres notables chevaliers et aultres gens de guerre ; lesquels oyans de jour en jour nouvelle du chemin que tenpit le roy d'Angleterre, se partirent de la ville et allèrent à Corbie, et de là à Péronne , tousjours leurs gens sur le pays assez près d'eulx, contendans garder tous les passages. Et, pour parler du pas du rpy d'Angleterre, vray est que luy et toute sa puissance descendirent des chevaulx et vindrent sur la rivière ; et commencèrent à abattre maisons et prendre eschielles, huys et fenestres, à faire pons pour passer ; car, depuis environ viij heures du matin jusques à peu près du jour failly, ne cessèrent lesdis Anglois de besoingnier audit passage faire; et ainsi passoient gens petit à petit.
Premièrement, archiers passoient sans chevaulx ^ Quant ilz furent passez en nombre compétent, passa ung estandart; et quant l'avant-garde fut toute passée, et tous à piet, on fîst passer les chevaulx. Après, passa la bataille et l'arrière-garde ; et, conrnie il est dit cy dessus, il fut nuyt avant que tous fussent passez. Tout ainsi que il estoit nuyt, Anglois marchèrent en pays, et alla le roy d'Angleterre logier assez près d' Athies ; et les François estoient logiés ou pays * d'environ. Et quant les François furent advertis que les Anglois avoient passé la rivière, ilz furent moult mal content sur ceulx de Saint-Quentin ; car, de par le roy, leur estoit enjoingt de rompre le passage où ilz passèrent .
