CHAPITRE LXVII
Comment le roy d'Angleterre se partist de HarfteUj pour tirer à Calais et passer la rivière de Somme j à le Blanche Tacque. De deux beaulx cop% de lances donnez devant la ville d'Eu; et comment^ par ung prisonnier y fut destourbé dépasser par ledit lieu y mais passa ladicte rivière à Ventour d'Athiez.
Après ce que le roy d'Angleterre eult pourveu à la garde de sa ville de Harfleu, il print son chemin pour aller vers Calais et ordorma ses batailles, et passa par le pays de Caulx, en Normandie, en le gastant et destruisant; et tant exploitta que il se trouva devant la ville d'Eu, laquelle est la derraine ville de Normandie. Sy envoya ses coureurs devant la ville d'Eu, en laquelle estoient aucuns François qui saillèrent allencontre d'eulx ; entre lesquelz estoit ung vaillant honmie d'armes nommé Lancelot Pierres. Sy vint, alencontre de luy, ung Anglois ; eulx deulx couchèrent la lance et se férirent, de telle radeur que le François tresperça de
iZ% CHRONIQUE DE JEAN LE FÉVRE [141 5]
sa lance le corps de TAnglez. Et pareillement Tescuier Englez assist son cop sur le François, siruddement qu*il le traversa tout oultre. Et ainsi fînèrent les deulx gentilz hommes leurs vies ; lesquelz furent fors plains de ceulx qui les congnoissoieqt.
En icellui jour, le roy d'Angleterre se loga auprès de la ville d'Eu et sur la rivière. Or est vray que, l'endemain, le roy d'Angleterre, en passant parmy le pays de Vimeu, avoit voulenté^ de passer la rivière de Somme au lieu que on nonmie La Blance Tacque, pour tirer le droit chemin à Calais, par où jadis passa son ané, Ëdouart, roy d'Angleterre, quant il gaingna la bataille de Cressy contre le roy Phelippe de Yallois, roy de France. Mais, quant il vint à deux lieues près, ou environ, dudit passage, les gens de son avant-garde, ainsi comme [gens] s'espandent parmy le pays, prinrent ung gentil homme, natif du pays de Gascongne, servirteur de messire Charles de Labreth, lors connestable de France . Mais, de ce gentil homme ne sçay que doy dire, pour la malle et doloureuse adventure qui en advint ; car, ce icelluy gentil homme ne eust esté prins à ceste heure, le roy d'Angleterre fust passé ladicte Blance Tacque, sans empeschement ne contredit ; et, par ainsi, lui et ses gens povoient aller franchement à Callais, et n' eust point esté ceste maleureuse et doloureuse journée* des François, qui fut à cause de la battaille d'Agincourt, comme cy après sera dit.
1. Nos deux manuscrits ont c et qui avoit voulenté; » deux mots très-embarrassants, dans la construction de la phrase, et à supprimer.
2. M. P. et L., c ceste malheureuse <xdventure et — journée. »
Donques, pour venir à parler dudit gentil homme, que pluiseurs François ont nommé déable et non honmieS vray est que, quant il fut prins des Anglois , il fui mené devant le chief de Tavant-garde et fut interrogié dont il venoit, de quel pays il estoit et à quel maistre. Il respondi qu'il estoit natif de Gascongne, et que il estoit sailly hors de la ville d'Abbeville, où il avoit laissié son maistre, le connestable de France. Après pluiseurs interrogacions, lui fut demandé se ledit passage de la Blance Tache estoit par nulluy gardé. Il respondy et afferma que oyl, et que pluiseurs grans seigneurs y estoient, à tout yj"' bons combattans, et le certifïîa pour vérité et sur sa teste* à copper. Pour icelles nouvelles, fut ledit Gascon menez devant le roy d'Angleterre^ et de rechief interrogié , et fîst-on arester touttes les battailles. Et après ce que le roy l'eult oy parler, il manda ses princes qui là estoient, et mist les choses en délibé* racion de conseil ; et dura icelluy conseil bien deux heures; et, en fin, fut conclud que le roy prendroit; autre chemin, parce que il créoit que le Gascon deist vérité. Et [est] à présupposer que le Gascon affermoît les choses dessus dictes estre vrayes, pour le désir que il avoit de la bataille ; car, à icelle heure, les François n' estoient pas assemblez, et ne le furent qu'il ne fust bien viij jours après.
Et, pour venir à parler comment le roy d'Angleterre délaissa le passage de la Blance Tache, vray est qu'il print son chemin pour monter amont la rivière de
1. M.B., en note : c Ce gentilhomme Gascon fut cause de la bataille d'Angincourt, à la perte des François. »
