M.P. et L., c les lettres, ou en effect et substanche

[1 il 5] SEJGNEUR DE SAINT-REMY. Sl37

dément de ses biens en don, et les renvoya sans faire responce. Mais il envoya devers lesdis seigneurs François deux de ses officiers d'armes, par lesquelz il leur renvoya responce qui fut telle qu'il leur feist savoir que, depuis qu'il estoit parti de la ville de Harfleu , il avoit contenduet contendoit, de jour en jour, en sonroyaulme d'Angleterre, et ne gisoit en ville fermée ne en forteresse. Pourquoy, se iceulx trois princes de France le vouUoient combattre, il n'estoitjà nécessité de prendre jour ne place ; car, tous les jours, le povoient trouver à plains champs, et sans fremeté nulle.

Ainsi leur fist faire responce. Lesquelz, de rechief, envoyèrent devers le roy, lui faire savoir que il avoit passé la rivière de Somme ; car, auparavant, avoient fait savoir au roy le chemin que tenoient les Anglois , ainsi que cy après sera dit. Après ce que le roy d'Angleterre sceult et fut adverty que, de toutes pars du royaulme de France, se mectoient gens sus pour le combattre et empeschier son chemin pour aller à Calais, sachant aussi la voulenté des trois princes de France qui désiroient de luy faire bataille, print, au partir de son logis, et vestit cottes d'armes, et aussi les fist vestir à tous ceulx qui cottes d'armes avoient ; et, avec ce, ordonna que tous archiers, de là en avant, fussent garnis d'un peuchon aguisé de^ deux deboutz; et ainsi chevaucha, de jour en jour, jusques au jour de la battaille.

Quant les Franchois veirent que les Anglois orent prins aultre chemin que la Blanche Tache, et que ilz montoient amont la rivière de Somme, conmie il est dit, ilz envoyèrent devers le roy et le duc de Guienne pour

avoir congié de combattre le roy d'Angleterre. Sy fut la chose mise en conseil, et fut conclud que le roy d'Angleterre seroit combattu. Et, incontinent après, le roy manda à son connestable et aux autres princes estans avec luy, que tantost se meissent ensemble avec toute la puissance qu'ilz avoient et combatissent le roy d'Angleterre ; laquelle conclusion fut, en brief temps, sceue en pluiseurs lieux tant en rpyaulme comme dehors.

Et, qu'il soit vray, à la bataille dont cy après sera parlé, furent pluiseurs nobles hommes des pays de Brabant, Haynnau, Hollande, Zellande et d'ailleurs. Et mesmes le duc de Guienne avoit grant désir de y aller, non obstant que par le roy, son père, luy eust esté deffendu ; mais, par le moyen du roy Loys et du duc de Berry, fut atargié de non y aller; et adont tous les seigneurs et gens de guerre se partirent, et tirèrent devers le connestable qui desjà estoit tiré devers la conté d'Artois; lequel, oyant la voulenté du roy, envoya hastivement devers le conte de Gharrolois, seul fîlz du duc de Bourgoingne, pour luy sîgnifBer la conclusion prinse pour combattre les Anglois, en luy requérant, de par le roy, que il vaulsist estre à icelle journée.

A quoy fut respondu par les seigneurs de Chanteville, de Roubaix et de la Yiesville qui estoit pour lors avec luy en la ville d'Arras, que sur sa requeste il feroit si bonne diligence qu'il appertiendroit. Et, stH" ce, se party le messagier. Jà soit ce que le conte de Gharrolois désirast de tout son cœur estre, en personne, en la bataille, et aussi que ses gouverneurs luy donnassent à entendre que il y seroit, néantmoins leur

estoit deffendu de par le duc deBourgoingne, son père, et sur tant qu'ilz povoient mesprendre devers luy, qu'ilz gardassent que il n'y allast pas; et, pour ceste cause, afïin d'eslongier, le menèrent de la ville d'Arras à Aire. Auquel lieu furent renvoyés de rechief aucuns seigneurs, de par le connestable et Montjoye, roy d'armes du roy, pour faire requeste pareille au conte de GharoUois.

Mais, à brief dire, fut la besoingne à toutteffoiz atargie par les dessusdis seigneurs; et mesmement trouvèrent manière de le tenir au chausteau d'Aire, le plus coyement et secrètement que faire le pourroient, afïin que pas ne fust adverty des nouvelles ne de la journée de battaille. Et entretant, la plus grant partie des gens de son hostel, et aussi les nobles des pays de Flandres et Picardie qui estoient assemblez pour estre avec luy à la battaille, comme ilz furent, qui savoient la besoingne aprochier, se partirent secrètement, sans son sceu, et s'en allèrent avec les François pour estre à combattre les Anglois ; et demeurèrent, avec le seigneur de Gharrolois, le seigneur josne^ d'Anthoing et ses gouverneurs dessusdis, lesquelz, en la fin , luy déclairèrent, pour l'appaisier, la defiFence qu'ilz avoient du duc son père, dont il ne fut pas bien content; et, comme je fus depuis informez, pour la desplaisance qu'il en eult, se retrait tout pleurant en sa chambre. Mais la noblesse, que il avoit assemblé de Flandres et d'Artois, furent à la battaille tous mors ou prins. Et, ce non obstant, j'ay oy dire audit conte de Gharrollois, depuis qu'il avoit actaint l'eage delxvij ans, que il estoit

i . Le Laboureur a lu c Joiué, »

'rf

240 CHRONIQUE DE JEAJt LE F^VRE . {144 6]

desplaisant de ce que il n'avoit eu la fortune d*inroir esté à laditte bataille, fust pour la mort ou pour bu vie.