CHAPITRE LXIX

Du chemin que le roy d'Engleterre tint y quant il fut passé la rivière de Somme. Comment les François allèrent au devant de lutfj et comment Hz se veirent Vung V autre j et se logèrent pour celle nuyt; et comr ment le roy d'Engleterre ordonna^ Vendemainj sa bataille.

Or couvient retourner à parler du roy d'Angleterre, lequel, au partement qu'il fîst, quant il ot passé la rivière de Somme, il se loga auprès d'Âthies, comme devant est dit ; puis passa à Doing, auprès de Péronne. Après, alla logier à Mirammont et es parties d'entour^ là où il sceult certaines nouvelles que il seroit combattu ; puis, print son chemin en tirant vers Encre, et alla logier à ung village nommé Forcheville ; et ses gens se logèrent es villes voisines, et tousjours en telle ordonnance, comme vousadvez ouy, les cottes d'armes vestues. Et Tendemain, qui estoit le merquedi, chevauça d'emprès Luceu, et alla logier à Bonnières le Scallon, et son avant-garde loga à Frévent sur la rivière de Ganche. Or est vray que le roy d'Angleterre et ses gens, pour ceste nuyt, furent logiés bien en vij ou viij villages, sans avoir nulz empeschemens ; car, les François estoient allez, pour estre au devant d'eulx, vers Saint-Pol et sur la rivière d'Aubin. Et, à la vérité dire, le roy d'Angleterre se cuida logier à ung aultre

[1 il 5] SEIGNEUR DE SAINT-REMY. 2&1

village, lequel avoit esté prins par ses fouriers ; mais, lui, cojaime celluy qui gardoit le plus les cérimonies d'honneur très loable, fîst ce que vous orez.

Vray est qu'en ce voyage faisant, toutes et quantes foiz qu'il vouUoit envoyer courreurs devant villes ou chasteaulx, ou en quelque ses affaires, ilfaisoit despouil- 1er les cottes d'armes aux seigneurs ou aux gentilz-hommes qui y alloient, et, à leur retour, le reprendoient. Si advint que, le jour que le roy d'Angleterre desloga de Bonniéres, pour venir vers Blangy ou auprès, avoit ung village ouquel par ses fouriers lui estoit ordonné, mais non est^ adverty ; ne sachant ledit village où il se devoit logier, passa oultre environ un traict d'arc et chevauchoit avant. Mais, il luy fut dis que il avoit passé son logis. Lors, il s'arestaet dist : < Puisque je suis passé, jà Dieu* ne plaise, entendu que j'ay la cottes d'armes vestues, que je doye retourner arrière. » Et passa oultre et se loga où l'avant-garde devoit logier, et fîst passer plus avant l'avant-garde. L'endemain, le roy d'Angleterre se party en telle ordonnance qu'il avoit fait les jours paravant, et tousjours tirant son chemin vers Calais. Ce jour estoit le jeudi, xxiiij® jour d'octobre, nuyt Saint-Crespin. Quant le roy d'Angleterre fut deslogié, et que luy et ses battailles furent issus des villages, ses coureurs choisérent^ de toutes pars les François venir, à grant compaingnie, pour aller logier à Rousseauville et à Azincourt, affin d'estre au devant de luy pour, l'endemain, les combattre.