M.P. et L

rent ensemble tous les François, ensemble en un seul ost ; et, d'autre part, le roy d'Angleterre, véant qu'il estoit sur le tart, lui et ses batailles se partirent pour aller logier à Maisoncelles, qui est auprès d'Azincourt.

Mais, avant qu'il allast à son logis, donna et fîst donner congié à tous les prisonniers François, nobles et aultres, qui pour le jour estoient prisonniers en son ostz\ en leur faisant promectre que, se la journée de la bataille estoit pour luy, et que Dieu luy en donnast la victoire, qu'ilz reyerroient tous devers lui et leurs maistres, s'ilz vivoient. Et, se l'adventure lui venoit de perdre la bataille, pour lors et pour le temps advenir leur quictoit leur foy. Après ces prisonniers délivrez, le roy se loga dedens le village de Maisoncelles, conmie dit est, et aux advenues de son logis, en espécial à l'advenue de ses ennemis, qui estoient environ ung quart de lieue ^ près de luy, et que on les ouoit tout à plain, et tellement que on les oyoit l'un l'autre nommer. Et, quant aux Anglois, oncques gens ne firent moins de noize ; car, à grant paine, les oy oit-on parler les ungs aux aultres, tant parloient bas. D'autre part, quant les François veirent, choisérent^ que le roy d'Angleterre s'estoit logié à Maisoncelles, et que, pour le jour, ilz ne seroient combatus , il fut commandé, de par le roy et son connestable, que chascun, endroit soy, se logast où il estoit.

Lors, eussiés veu ployer bannières et penons autour des lances, et dé vestir cottes d'armes, destrosser malles