M.P., c choisirent, » Le Laboureur a supprimé le mot

et bahus, et chascun seigneurs, par leurs gens et fouriers, envoier aux villages prochains quérir pailles et estrains pour mectre desoubz leurs pies, et aussi pour eulx reposer en la place où ilz estoient, laquelle estoit moult froide pour le pestelis des chevaulx ; et avec ce, presque toute la nuyt, il ne fîst que pleuvoir. Et démenoient moult grant bruit pages et variez^ et toutes manières de gens ; et tant, comme dit est, que les Anglois les povoient plainement oyr. Mais de leur costé n'estoient pas oys ; car, en celle nuyt, se confessoient tous ceulx que de prebstre porent recouvrer. Les honmies d'armes remétoient à point leurs aguyllettes et tout ce que mestier leur estoit; et pareillement archiers renouvellèrent cordes et adoubèrent ainsi comme il appertenoit. Puis, quant ce vint le bien matin, le roy d'Angleterre commença à oyr sa messe dès le point du jour, et en ouy trois l'une après l'autre, armé de tout son harnas, hors sa teste, et sa coste d'armes vestue.

Après les messes dictes, fîst apporter son harnois de teste qui estoit ung très bel bachinet à banière, sur lequel avoit une rice couronne d'or, serquellée conmie impérialle couronne. Puis, après ce que il fut de tous poins habillié et armé, monta à cheval, gris petit cheval , sans espérons ; et , sans faire sonner trompectes, fîst tirer sa battaille hors des logis , et sur une belle plaine de josne bled et vers, ordonna ses battailles. Et ordonna ung gentilhonmie, atout x lances et xx archiers, pour garder les bagages de lui et de ses gens, avec ses pages qui nobles hommes estoient, et aucuns aultres mallades qui aidier ne se povoient. 11 ne fîst que une battaille,

[1415] SEIGNEUR DE s AINT-REMY. 245

et estoient tous ses hommes d'armes ou milieu de sa bataille, et toutes les banières assez près les ungnes des aultres. Aux deux costez des hommes d'armes estoient les archiers, et povoient bien estre environ de ix® à mil hommes d'armes et x°^ archiers. Et pour parler des bannières, il y avoit, pour son corps, cincq banières; c'est assavoir, la banière de la Trinité, la banière de Nostre-Dame, la banière de Saint-George ^ la banière Saint-Edouart et la banière de ses propres armes. Aultres pluiseurs y avoit; assavoir, du duc de Clocestre, du duc d'Iork, du conte de la Marche, du conte de Hostidonne, du conte d'Oxenfort, du conte de Kint, des seigneurs de Ros et de Gornouaille, et de pluiseurs aultres.

Quant le roy d'Angleterre ot ordonné sa battaille et l'ordonnance de son bagaige, sur le petit cheval gris devant dis, alla au long de sa bataille et leur fist de très belles remonstrances, en les ennortant de bien faire, disant qu'il estoit venu en France pour son droit heritaige recouvrer, et qu'il avoit bonne et juste cause et querelle de ce faire ; en leur disant que sur ceste querelle povoient franchement et seurement combattre, et qu'ilz eussent souvenance qu'ilz estoient nez du royaulme d'Angleterre, là où leurs pères et mères, femmes et enfiPans estoient demourans. Par quoy ilz se debvoient eflForchier pour y retourner en grant gloire et loenge, et que les roys d'Angleterre, ses prédécesseurs, avoient eu sur les François maintes belles besoingnes, battailles et desconfitures, et que, cellui

1. M. P. et L. ne nomment que quatre des cinq bannières, en omettant celle de Nostre-Dame,

jour, chascun aidast à garder son corps et rooneur de la couronne d'Angleterre. En oultre, leur disoit et remonstroit que les François se vantoient que tous les archiers Anglez, qui y seroient prins, ilz leur feroient copper les trois dois de la main dextre, afiSn que leur traict jamais homme ne cheval ne tuast.