M. Nos textes ont tous f prisonjiiers. t

iceulx François furent prins, ceulx qui les avoient prisonniers les désarmoient de la teste.

Lors leur sourvint une moult grant fortune ; car une grande assemblée de Tarrière-garde, en laquelle avoit pluiseurs François, Bretons, Gascons et Poitevins et aultres qui s'estoient mis en fuicte, avoient avec eulx grant foison d'estandars et ensaignes, eulx monstrans signes de vouloir combattre ; et de fait marchèrent en ordonnance. Quant les Anglois perchurent iceubc ensemble en telle manière, il fut ordonné, de par le roy d'Angleterre, que chascun tuast son prisonnier. Mais ceulx qui les avoient prins ne les vouloient tuer, pour ce qu'il n'y avoit celluy qui ne s'atendist d'en avoir grant finance. Lors, quant le roy d'Angleterre ht adverty que nul ne vouloit tuer son prisonniers, or^ donna ung gentilhomme avec deux cens archiers, et lui commanda que tous prisonniers fussent tuez.

Sy accomply ledit escuier le commandement du roy; qui fut moult pitoyable chose. Car, de froitsang, toute celle noblesse Françoise furent là tuez, et décoppez testes et visages ; qui estoit une merveilleuse chose à veoîr. Geste maudicte compaignie de François, qui ainsi firent murdrir ceste noble chevalerie, quant ilz veirent que les Anglois estoient prestz de les recevoir et combattre, tout se mirent subit à fuyr et eulx saulver, qui saulver se peult. Et se saulvèrent la plus part de ceulx estans à cheval ; mais de ceulx de piet en y ot pluiseurs mors. Quant le roy d'Angleterre vey et appercheu clèrement [qu'il] ^voit obtenu la victoire contre ses adversaires, il remercia Nostre-Seigneur de bon cuer, et bien y avoit cause ; car de ses gens ne furent mors, sur la place, que environ xvj^ honunes de tous estatz; entre

lesquelz y morut le duc d'Iork, son grant oncle [et] le conte d'Oxenfort. Et pour vérité, la journée devant qu'ilz s'assamblassent en battaille; y eult faiz de la partie des François v^ chevaliers ou plus.