CHAPITRE LXXII
Comment le roy (TEngleterrej après la battaille d'Agin" courte tint son chemin vers Guisnes et de là à Calais et à Londres, avecques ses prisonniers , entre lesquelz ê^^toit le duc d'Orléans, qui fut trouvé entre les mors: et comment il fut receu en son royaulme d'Angleterre.
En après, le roy d'Angleterre soy voyant demoré victorieux sus le camp, comme dit est, et tous les François départis, sinon ceulx qui estoient demourez prisonniers ou mors en la place, il appella avec lui aucuns princes ou camp où la battaille avoit esté. Quant il ot regardé la place, il demanda comment avoit nom le castel qu'il veoit assez près de lui : on lui respondi qu'il avoit nom Agincourt. Lors, le roy d'Angleterre dist : € Pour tant que toutes batailles doivent < porter le nom de la prochaine forteresse où elles € sont faictes, ceste ci, maintenant et perdurablement, € aura nom : La bataille d' Agincourt. »
Puis, quant le roy et ses princes eulrent là esté une espasse, et que nulz François ne se monstroient pour lui porter dommage, et qu'il vey que sur le champ il avoit esté bien iiij heures ; et aussi veant qu'il plouvoit et que le vespre approchoit, se tira en son logis de Maisoncelles ; et là archiers ne firent, depuis la descon-
fiture, que deschausser gens mors et désarmer. Soubz lesquelz trouvèrent pluiseurs prisonniers en vie, entre lesquelz le duc d'Orléans en fut ung, et pluiseurs aultres. Iceulx archiers portèrent lesharnois des mors en leurs logis par chevalées, et aussi emportèrent les Anglois mors en la battaille. Entre lesquelz y fut porté le duc d'Iork et le conte d'Oxenfort, qui mors avoient esté en la bataille. Et, à la vérité, lesÂnglois n'y firent pas grant perte, sinon de ces deux là.
Quant ce vint au soir, le roy d'Angleterre fiit adverty et sceult que tant de harnois on avoit apporté à son logis ; fist cryer, en son ost, que ne nul ne se chai^st néant plus qu'il en falloit pour son corps, et que encoires n'estoit pas hors des dangiers du roy de France. On fist bouUir le corps du duc d'Iork et du conte d'Oxenfort, affin d'emporter leurs os ou royaulme d'Angleterre. Lors, le roy d'Angleterre commanda que tout le harnois qui seroit oultre et par dessus ce que ses gens emporteroient avec les corps d'aucuns Anglois qui mors estoient en la bataille, fussent bouttez en une maison ou grange. Là on feist tout ardoir, et ainsi en fut fait. L'endemain, qui fut samedi, les Anglois se deslogèrent très matin de Maisoncelles, et, à tout leurs prisonniers, de rechief allèrent sur les champs et sur le camp où avoit esté la bataille, et ce qu'ilz trouvèrent de François encoires en vye les firent prisonniers ou occirent. Le roy d'Angleterre s'aresta sur le champ, en regardant les mors, et là estoit pitoyable chose à veoir la grant noblesse qui là avoit esté occise pour lem:* souverain seigneur, le roy de France ; lesquelz estoient desjà tout nudz, comme ceulx qui naissent de mère.
Après ces choses faictes, le roy d'Angleterre passa
oultreet print son chemin v^rs Calais. Sy advint que, à une reposée qu'il fist en son chemin, il s'aresta tout à •èheval et fist apporter du pain et du vin et l'envoya au duc d'Orléans. Mais il ne volu ne boire ne mengier ; ce qu'il fut rapporté au roy d'Angleterre. Et lors le roy, cuidant que, par desplaisance, le duc d'Orléans ne vausist ne boire ne mengier, tira devers luy, en disant : € Beau cousin, comment vous va? » Et le duc d'Orléans respondy : < Bien, Monseur. » Lors, le roy lui demanda : « Dont vient ce que ne voulez ne boire ne € mengier? » Il respondy que, à la vérité, il junoit. Sy lui dist adont le roy : < Beau cousin , faictes bonne € chière. Je congnois que Dieu m'a donné la grâce € d'avoir eu la victoire sur les François ; non pas que € je le vaille, mais je crois certainement que Dieu € les^a voulut pugnir; et, s'il est vray ce que j'en ay € ouy dire, ce n'est de merveilles; car on dist que € oncques plus grant desroy ne désordonnance de € volupté, de péchiés et de mauvais vices, ne fut veu € que régnent en France au jour d'uy. Et est pitié de € l'oyr recorder, et orreur aux escoutans. Et se Dieu « en est courouchiés, ce n'est pas de merveilles, et < nulz ne s'en doibt esbahir. »
Pluiseurs devises et entrevalles eulrent le roy d'Angleterre et le duc d'Orléans, et tousjours exploittoient de chevauchier en très belle ordonnance, ainsi que tousjours avoient faiz, [excepté que, après la bataille, ne portèrent plus cottes d'armes en chevauchant, comme paravant avoient fait] \ Tant exploitèrent qu'ilz arrivèrent à Guisnes, où le roy fut du capitaine de la
