M.P. et L
place receu en grant honneur et révérenoe. Sy sachiés que tousjours il faisoit chevauchier et mectre ses prisonniers François entre l'avant-garde et batailles. Le roy d'Angleterre se loga dedens le chastel de Gaisnes ; mais la grosse flotte des gens d'armes tirèrent vers Calais, moult las et travailliés, chargiés de prisonniers et de proyes ; excepté les ducs, contes et hault barons de France, que le roy d'Angleterre détint avec lui. Mais, quant iceulx gens d'armes arrivèrent à Calais, où ilz cuidèrent bien entrer pour eulx refaire et aisier, comme bien mestier en avoient (car la plus part d'eulx tous avoient esté par l'espasse de viij ou x jours, sans mengier pain, mais, d'aultres vivres, charres, burres, œufz, fronmiages, tousjours quelque peu en avoient fine) , si eussent alors voulu donner pour en avoir plus que on ne vous sçauroit dire; car si grant disette avoient de pain qu'il ne leur challoit qu'il coustast, mais qu'il en eussent.
Sy est assez à penser que les povres prisonniers François^ dont le plus estoient navrés et blescfaiés, ' estoient en grant destresse : car bien cuidèrent entrer tous dedens Calais. Mais, ceulx de la ville ne les vaul-» drent laissier entrer, excepté aucuns seigneurs d'Angleterre ; et le faisoient affin que vivres ne leur faulsissent, et que la ville, qui estoit en frontière, demorast tousjours bien garnie. Et par ainsi, gens d'armes et archiers qui estoient chargiés de bagues et de prisonniers, la plus part d'eulx, pour avoir argent, vendoient à ceulx de la ville de leurs bagues et assez; de leurs prisonniers, et ne leur challoit mais qu'ih eussent argent et fussent en Angleterre. Et d'aultre part en y ot assez qui mirent leurs prisonniers à courtoise rançon ,
et les recevoient sur leurs foy, etdonnoient, à ce jour, ce qui valloit x nobles, pour quattre, et ne leur challoit mais qu'ilz eussent du pain pour mengier, ou qu'ilz peussent estre passez en Angleterre.
Le roy d'Angleterre, qui estoit à Guisnes, sceult et fut adverty en quelle disette ses gens estoient, et il y pourvey tantost ; car, à grant diligence, il çonmanda que pourveance de batteaulx fut faicte, sur lesquelz gens d'armes, archiers et leur prisonniers passèrent en Angleterre, les ungs à Douvres, les aultres à Sanduis, où moult joeulx furent, quant là se trouvèrent, aussi pour la belle victoire qu'ilz avoient eu contre les François. Si se partirent et allèrent chascun en son lieu. Après, le roy, quant il eult séjourné aucuns jours à Guisnes, s'en alla à Calais; et en allant se print à deviser avec les prisonniers et princes François, en les reconfortant amiablement, comme cellui qui bien le savoit faire ; et tant chevauchèrent qu'ilz vindrent à Calais, où le roy d'Angleterre fut receu du capitaine et de ceulx de la ville, lesquelz luy vindrent au devant jusques au plus près de Guisnes, et d'aultre part les prebstres et clercz tous revestuz avec les croix et fanons de toutes les églises de la ville, en cantant : Te Deum laudamtùs. Hommes et femmes, et petis enfans s'esjoyssoient à sa venue, disant : « Bien soit venu le roy, nostre souve- € rain seigneur! » Et ainsi, en grant gloire et triumphe, entra dedens la ville de Calais; et là séjourna le roy aucuns jours. Si y tint la feste de Tous les Sains ; et tantost après fist aprester ses navires pour passer en Angleterre. -
Quant furent prestz, si départy , le xj® de nouvembre : mais, avant son partement, vindrent par devers luy les
264 CHRONIQUE DE JEAN LE FÉYRE [i 44 5]
prisonniers de Harfleu, comme ilz avoient promis. Le roy d'Angleterre fist faire voilles, tantost qu'ilz furent eslongiés de terre et entrés en mer ; et, eulx entrés en mer, ung moult grant vent s'esleva et fut la mer très fort troublée, et tant que deulx des vaisseaulx du seigneur de Gornuaille périrent en mer et tous oeulx qui dedens estoient, que oncques ung seul n'en eschappa que tous ne fussent périlz et noyez. Et mesmement, aucuns povres prisonniers et aultres allèrent arriver en Zellande, au port de Ziericze. Touteffoiz, le roy d'Angleterre ariva sain et sauf en Ëngletcrre et prist terre à Douvres.
Le roy d'Angleterre, pour la belle victoire de la bataille d'Agiucourt et aussi pour la conqueste d'un si noble port conune de Harfleu, fut très grandement loés et gracié du clergié et peuple de son royaulme, oonune bien y avoit raison.
De Douvres alla à Gantorbie. Sy lui vint au devant l'arche vesque, l'abbé et tous les religieubc des églises, comme raison estoit. Puis, pour abrégier, quant eult là séjourné une espasse, il se mist à chemin pour tirer à Londres où il fut honnourablement recenz, et vindrent au devant de lui, à croix et confanons, avec toutes les relicques des corps sains. Quant il vint vers Saint- Pol, il descendi de son cheval ; si baisa les relicques et fist son offrande ; puis se départy et entra en ung batel sur la Thamise, et vint descendre en son palais de Ye»timouster, lequel estoit moult ricement paré et tendu, comme bien appertenoit à sa personne, et aussi pour l'onneur des princes de France, ses prisonniers.
