L. et B

quelle requeste ne vault pas accorder le duc de Bourgoingne ; mais, les trêves, qui par avant avoient esté accordées touchant le fait de marchandises entre Angleterre et France, furent ralongiés jusques à la Saint- Michiel, mil GGGGet xix. Et, comme je fus informez, le duc de Bourgoingne désiroit grandement parler à l'empereur ; car aultrement ne povoit parler à lui, s'il ne fust pas venu à Calais , et aussi l'empereur ne fust pas venu vers lui, à cause des débas et noyses et guerres que avoit le duc de Bourgoingne à çeulx tenans la partie du duc d'Orléans et de ses frères.

Et après ce qu'il eut séjourné en la ville de Calais, par l'espasse de viij jours, et besoingnié de ce pourquoy il y estoit allez, print congié et retourna à Saint- Omer ; et pareillement s'en retourna le duc de Clocestre à Calais. Pour lequelle voyage ainsi par le duc de Bourgoingne fait, fut le roy et ceulx qui le gouvernoient moult merveilliez ; et tenoient véritablement qu'il se fust du tout alyez avec le roy d'Angleterre, au préjudice du roi et de sa seigneurie ; de laquelle chose pncques ne fut parlé, excepté ce que le roy d'Angleterre luy avoit dit ; mais, tant amoit le roy que, jusques à morir, ne l'eust voulu faire. Mais, en icelluy temps, tous les princes de France avoient conchut une si grant envye sur luy, à cause de la mort du duc d'Orléans, que nul bien n'en povoient dire. Par quoy, grans guerres et occisions * se faisoient pour lors en France, dont le roy d'Angleterre n' estoit pas courouchié ; et ne s'en doit-on pas esmerveillier ; car, pour lors, se France eust esté en paix et union, le roy d'Angleterre