M.P. et L., f effusions

[1416] SEIGNEUR DE s AINT-REMY. S85

y eust eu moult à faire, avant qu'il fust venu si avant comme il vint.

En ce mesme temps, le duc d'Excestre, qui se tenoit à Harfleu, se mist sus ung certain jour aux camps à tout iij°^ combattans Anglois, et alla courre devant la ville de Rouen, et, de là, alla attaindre le pays de Gaux, où il fut par iij jours, et y fist de très griefs maulx par feux et espées. Mais à ce temps se assemblèrent les garnisons, tant qu'ilz se trouvèrent bien iij mille, comme estoient iceulx Englez. Sy les rencontrèrent et leur coururent sus vaillamment ; et en brief les mirent tous en desrois. Si en demeura sur la place bien viij®, que mors que prins ; et les aultres, avec le duc d'Excestre, se retrayèrent en ung jardin qui estoit avironnez de fortes hayes d'espines, et là se tindrent le surplus du jour. Les François ne les povoient avoir, jà soit ce qu'ilz s'en meissent en paine.

Et quant ce vint au soir, François se retrayèrent, pour eulx rafreschir, en ung village qui estoit plus près^ ; mais le duc d'Excestre et ses gens doubtans la journée de Tendemain, se party avec ses gens environ le point du jour et tira vers Harfleu. Laquelle départie sceurent, assez tost après, les François qui de rechief les poursievirent et les rataindirent sur les mares, assez près de Harfleu, environ deux lieues. Sy les assaillèrent comme devant; mais les Anglois, veant que, sans mort ou prison, ne povoient eschapper, ruèrent piet à terre ; si se deffendirent en telle manière qu'ilz dérompirent les François et mirent en fuicte. Sy morurent en la place jusques au nombre de