Notre ms. a c sure

Boùrgoingne y avoit envoyé, retournèrent sans quelque empeschement,

En ce temps estoient gens d'armes, en grant puissance, en l'Isle de France et es marches environ, par l'ordonnance des gouverneurs qui gouvernoient le roy. Et pareillement se mirent sus les gens du duc de Boùrgoingne en grant nombre; parquoy le povre peuple du royaulme estoit tout destruit.

Vous avez ouy, cy devant, comment le duc de Guyenne alla de vie à trespas. Après lequel trespas Jehan, duc de Touraine, son second frère, fut daulphin de Viennois et héritier de la couronne de France ; lequel avoit espousé la fille et héritière du conte de Haynnau de Hollande et de Zel lande ; auquel le conte de Haynnau bailla et ordonna un grant estât pour le mener en France. Mais, avant leur parlement, s'assemblèrent ensemble le daulphin et le duc de Boùrgoingne et le conte de Haynnau, lesquelz jurèrent et promirent de tenir de point en point la paix tant de foiz faicte en France. Lesquelz séremens furent faiz en la présence de pluiseurs grans seigneurs, en la ville de Vallenciennes. Et puis, ces choses faictes, le daulphin prist son chemin pour aller à Paris ; en sa compaignie, madame la daulphine, sa femme, et son beau père le conte de Haynnau. Mais, le daulphin ne passa point Compiengne, et là, d'une griefve malladie son ame rendit à Dieu. Duquel trespas se fist grant murmuracion par tout le royaulme ; et disoient les aucuns qu'il avoit esté empoisonné pour cause que il estoit trop Bourguignon et trop fort alliez avec le duc de Boùrgoingne. Après son trespas, madame la daulphine retourna au pays de Haynnau, en la compaignie de son I 19

père ; mais ce fut à grant dueil et en très amère desplaisance. Ne demoura guaires après, que le conte de Haynnau alla de vie à trespas ; et trespassa au chasteau de Bouchain, au mois d'aoust, mil iiij® et xvij. Sy fiit madame la daulphine, sa fille, héritière des contés de Haynnau, Hollande et Zellande, et seignourie de Frize.