CHAPITRE LXXXI

Du monopolle que les Parisiens feirent^ qui fat descouvert d'une femme; et comment ceulx qui furent trouvez coulpables furent exécutez. Comment le daulphin de Viennois espouza la fille au conte de Haynault; et des trespas dudit daulphin et conte de Haynault.

Après le partement de Tempereur de la ville de Paris, ceulx qui gouvernoîent le roy, c'est assavoir, le roy Loys, le duc de Berry et aucuns aultres, tindrent conseil, auquel fut ordonné que on mecteroit une taille sus, pour les affaires du roy et du royaulme. Dont le peuple, en espécial ceux de Paris tenans secrètement le party du duc de Bourgoingne, fiirent moult troublez ; et, à la couUeur d'icelle taille, firent une assemblée secrette. A laquelle assemblée feirent ung terrible monopolle et conspiracion et la plus cruelle et détestable dont on pourroit parler. Ne sçay s'il fut vray, mais la chose n'advint point, comme vous orrez.

Iceulx Parisiens, pour acomplir leur intencion, envoyèrent devers le duc de Bourgoingne, aflSn qu'il en voyast secrètement de ses gens à Paris, faingnantque ce fust pour ses affaires; ausquelz iceulz Parisiens eussent conseil et confort. Sy leur accorda le duc de

Bourgoingne, et leur envoya messire Jennet de Poix, Jacques de Fosseux, le seigneur de Saint-Légier et Bmet d'Âuffleu ; lesquelz portèrent pluiseurs lettres de créance, signées de la main du duc de Bourgoingne, adressans, à Paris, à ceulx à qui ilz avoient fiance. En conclusion ou contens de la dicte taille, iceulx Parisiens jurèrent et firent sèrement, ensemble, que, le jour du grantvendredy, après.disner, ilz se mectroientsus, en armes, pour prendre tous ceulx qui leurs estoient contraires ; et, premier, le prévost de Paris, lequel ilz occiroient ; et, en après, mecteroient à mort la royne de Zécille, et si prendroient le roy de Sézille et le duc de Berry et les feroient vestir de honteux habis, leur feroient rère les testes, comme folz, et les feroient mener sur deux beneaulx avant la ville de Paris, après les feroient morir ; qui eust esté une grant cruaulté , s'il estoit vray.

Toutefibiz, la voix courut que pluiseurs , qui à la cause fiirent exécutez, le confessèrent. Icelluy jour, ilz ne mirent point à exécution leur mauvaise entreprise, et le cuidèrent exécuter, le jour de Pasques. Mais, leur mauvaistie fut sceue par une femme, qui leur conseil révéla à Michault Laillier, qui le fist sçavoir à Bureau de^ampmartin, et Bureau le fist savoir au chancellier, qui promptement s'en alla en Louvre, et de là envoya secrètement à la royne, aux princes et au prévost de Paris, déclairer la faulce et mauvaise intention d'iceulx Parisiens. Et promptement que le prévost de Paris le sceult, secrètement fist armer gens et assembla 1. à Ix hommes, et tira devers le quartier des Halles, où aucuns des capitaines de ces mauvais demouroient, qui ne se doubtoient en riens que leur entreprise fust

descouverte. Sy en furent pluiseurs prias et menez en Ghastelet; lesquelz furent prins, messire Âlmérite d'Orgimont, Tarchediacre d'Amiens, doyen de Tours et chanoine de Paris ; l'un des présîdens de la Chambre, des comptes, Robert de Belioy , très riche drapier ; le sire^ de Tostel de TOurs, à la porte Baudd^ et pluiseurs aultres. Laquelle chose, en toute diligence, fut rescript au connestable et au mareschal de France, qui lors estoient en la frontière de Harfleu allenoontre des Ânglois ; lesquelz y envoyèrent Remonnet de La Guerre , à tout viij^ hommes de guerre.

Et le V* jour de may, furent menez pluiseurs des mauvaises gens, dessus nonunez, es Halles, où là furent, comme traittres, exécutez et décolés. Et, an regard de Almerie d'Orgimont, il fut rendu à Tévesque par lequel il Ait condempné au pain et à l'eaue en chartre perpétuelle. Et, tantost après, le connestable vint à Paris, à compaignie de gens de guerre ; et, après sa venue, fîst par le prévost de Paris oster toutes les chainnes de fer par les rues de ladicte ville et, avec ce, les armures de ceulx de la ville. Ne demeura guaires, après, que messire Loys Bourdon, messire Glugnet de Brabant et le seigneur de Bosqueaulx, à tous grans nombre de gens de guerre, arrivèrent à Paris et es villages d'environ. Si furent tous les favourables du duc de Bourgoingne en grant perplexité ; et ceux que on trouva coulpables de la conspiracion, furent sans miséricorde pugnis, les ungs décapitez, les aultres pendus et les aultres noyez; et peu en eschappa. Touteffoiz, les nobles honmies que le duc de