M.P. et L., ( sont tenux et doibvent faire
Rouen ; puis traicta avec ceulx de la ville, en leur pardonnant tous leurs meffaiz, excepté les occiseurs du bailly.
Tantost après, le daulphin retourna à Paris; et, avant son partement, ordonna bailly de Rouen le seigneur de Gamaches, auquel il commanda prendre pugnicion des hommicides trouvez coulpables, par bonne informacion, de la mort du bailly ; et ainsi en fut fait des aucuns. Mais, Allain Blanchart se absenta,^ certaine espasse de temps, et depuis retourna en la ville de Rouen, où il ot grant auctorité et gouvernement, comme cy après sera déclairé*.
En icelle année , le roy Loys morut, et laissa iij filz ; c'est assavoir, Loys, Faisné, qui fut roy après luy; le second ot nom René et fut duc de Bar ; et le tiers ot nom Charles, conte du Maine et de Guise. Il laissa aussi deux filles, dont la première eult le daulphin , et la seconde, nommée Yolens, n'avoit que deux ans.
Alors estoit, en France, ung moult méchant gouvernement ; car justice n'y estoit en riens obéye, et les estrangiers, qui tenoient les champs, du party de Bourgoingne, roboient et pilloient tout ce qu'ilz trouvoient, sans nul espargnier, ne d'un party ne d'aultre; car, les pays du duc de Bourgoingne estoient pilliés et robes comme les aultres. Et de fait, une compaignie d'iceulx se bouttèrent en Picardie, vers la marche de Boulenois ; mais Buctor, bastart de Groy, mist sus les gens du pays et s'en alla, par nuyt, effondrer sur leur logis, et les rua jus ; et y fut tué Laurens Rose, lors
1. Le manuscrit de Paris et Le Laboi^reur commencent ici on chapitre sous ce titre : Le trespas du roy Loys de Sicile.
[1417] SmGNEUR DE SAINT-REMY. 897
lietenant de Jehan de Glaux, et aucuns aultres. Mais, pour luy vengier de, ce bastart, ledit Jehan du Clau prist ung gentilhomme de BouUenois, nommé Gadifer de CoUehault, et le fist pendre à une arbre.
Touteffoiz, ilz issirent du pays de Boullenois et s'en allèrent ou pays de Santers, où ilz prindrent la ville et forteresse d'Avenencourt, le pillèrent et puis y bouttèrent le feu. Et de là s'en allèrent mectre le siège devant le Neuf ChastelsurEnne ; et, pour lever le siège, Remonnet de La Guerre et le bailly de Vermendois se mirent sus, deparleroy, et allèrent pour cuider lever le siège. Mais, îceulx estrangiers se levèrent de l^ir siège et les allèrent combattre, et là furent desconfis les gens du roy, et furent mors en la place plus de viij", et les aultres se fuyrent et se sauvèrent au mieulx qu'ilz peurent ; et par ce moyen se rendirent à eulx ceulx du chastel, et ilz entrèrent dedens et le pillèrent de tous poins, et y bouttèrent le feu, et puis se retrayerent en Gambresis, là où ilz fyrent tous les maulx du monde. D'aultre part, Jehan de Fosseux, Daviot de Poix, Ferry de Mailly et aucuns aultres Piccars, jusqués à xij^ combattans, passèrent ung jour la rivière de Somme, à la Blanche Tacque, et s'en allèrent jusques au Marie, prindrent la ville et assaillèrent le chastel durement. Dont, quant ilz veirent qu'ilz ne le porent avoir, ilz pillèrent la ville qui plaine estoit de tous biens, et puis y bouttèrent le feu ; et de là s'en allèrent à Hornoy , et ou beau pays de Vimeu, tenir les camps, pilier et rober tout ce qu'ilz y trouvèrent ; et puis, tous chargiés de proyes et de prisonniers, ilz rappasèrent l'eaue de Somme pour
retourner au pays. Et Dieu scet comment le povre peuple estoit alors foulé et destruit de toutes pars !
En ce mesme temps estoit alors à Perronne, de par le connestable, messire Robert de Loire, à cent hommes d'armes, cent arbalestriers jennevois et cent aultres combattans, lesquelz couroient souvent ou pays d'Ai^ thoys ; et, d'aultre part, convint ceulx d'Amiens boùtter hors leur bailly et le procureur du roy, à l'instance du duc de Bourgoingne, pour ce qu'ilz estoient trop rigoreulx à ses gens; ou, aultrement, il le menaschoit de leur faire guerre. Et s'en allèrent, le bailly et le procureur, faire leur complaincte au roy ; pourquoy , en persévérant de mal en pis, ne fut pas content du duc de Bourgoingne.
