CHAPITRE LXXXV

Comment le duc de Bourgoingne envoya ses ambassadeurs aux villes de Amiens^ Dourlens^ Abbeville^ Saint'Ricquier et Monstreul; et de la promesse que lesdictes villes luy f cirent.

Le duc de Bourgoingne envoya ses ambassadeurs es villes du roy ; assavoir, à Amiens, Douriens, Abeville, Saint-Richier et Monstruelle, et leur fist remonstrer que son intencion estoit du tout à mectre provision au gouvernement du royaulme, pour le bien du peuple, pryant qu'ilz se vaulsissent joindre avec luy. Et si bien leur fut remonstré qu'ilz luy promirent ayde et confort, dont ilz baillèrent lettres contenant

en efiFect : < qu'ilz aideroient le duc de Bourgoingne à mectre le roy en sa franchise et le royaulme en justice, affin que marchandise y peult avoir cours et que le roy et le royaulme soient bien gouvernez ; et mecteront le duc de Bourgoingne en leurs villes, le plus fort, et ses gens aussi, pour aller * et venir parmy eulx, par payant leurs despens, et sans faire injure à personne, sur paine d'en estre pugnis selon le cas ; et que les habitans d'icelles villes poroient aller dehors, es pays du duc de Bourgoingne sauvement.

« Item, que le duc de Bourgoingne les aidera et supportera contre tous ceulx qui nuyre les vouldroient.

« Item, que ilzne mecteront en leurs villes garnisons de gens d'armes, ne de l'un costé, ne de l'autre.

« Item, se aucunes des dictes villes vouloient faire contre le dit accord, et ilz fussent convaincus, ilz en seroient pugnis selon toutes rigeurs de justice. » Et fut en substance la fourme des lettres qui furent faictes à Dourlens, le vij® jour d'aoust, l'an mil iiij® et xvij.