M. P. et L., c lettres du roy^ signées de sa main

toient moult esbahis des manières que tenoit le duc de Bourgoingne devers le roy et sa seignouries.

€ Item, pourquoy ses gens faisoient guerre ouverte au roy et à ses subgectz, et font pis que ne feroient^ les Anglois qui sont ennemis mortelz du royaulme, entendu qu'il est cousin germain du roy, et que tousjours dist et confesse qu'il veult le bien du roy ; et pourquoy il prent les séremens des bonnes villes du roy et les constraint à sa seignourie.

€ Item, qu'il a fait à croire qu'il soit aliez aux Anglois et qu'il content à depposer le roy de sa couronne : pour lesquelles causes le roy luy fait ces choses remonstrer, affin qu'ilz vaulsisent faire son armée retourner ; car il soit vraysemblable qu'il ne les tint, sinon pour donner faveur, confort et ayde aux Anglois, au préjudice du roy et du royaulme.

€ Item, que, s'il ne laisse sa manière de faire, il tournera reproche à lui et à sa généracion, et ne ressemblera son bon père qui lui ennorta, à son derrain, et moult luy pria de tousjours obéyr au roy et à ses commandemens.

€ Item, seront ces choses remonstrées, par le dit seigneur de Cauny, aux barons, chevaliers et escuiers estans avec le duc de Bourgoingne ; et seront requis instamment, de par le roy, que ensuivant les traches de leurs bons et loyaulx prédécesseurs, ik se veullent tenir bons et loyaulx devers le roy, et que, par mauvais conseil, ilz ne facent chose qui leur tourne à deshonneur ou reproche.