M.P. et L., € firent, t

30S1 CHRONIQUE DE JEAN LE FÉYRE [ 1 4l 7]

c Item, se le duc de Bourgoîngne dîst que ceulx qui gouvernoient le roy , lui font souvent et ont fait aucunes duretez et diose qu'il ne peult ne doit souffinr, le seigneur de Gauny lui respondera que, pourtant, ne doitil point porter faveur aux Anglois, ne faire chose qui soit contre son honneur. Et en ceste manière pourroitil bien procéder par manière plus honneste. Et, aussi, que le roy n'a pas la main close qu'il ne soit bien enclin à luy faire grâces et courtoisies, et à ceulx qui sont en son service ; et que ilz facent devers le roy leur debvoir, ainsi comme ilz sont tenus. »

Ces choses ainsy, ou en substance, remonstrées au duc de Bourgoingne par messire Aubert de Gauny, il luy fut respondu par ceulx du conseil du duc de Bourgoingne, par escript, ainsy, ou en soubstance, que cy après s'ensuit :

c Premièrement, au premier point respond que voirement est-il parent du roy et vassal, et pourtant obligié au roy, à le servir contre tout honmie ; et à ce il a labouré et labeure encoires, à celle fin que le roy et le royaulme soient bien gouvernez, et que les réparacions se facent de ses maisons et de ses places, et de la justice de son royaulme, etdeladicte administracion de ses finances ; de toutes lesquelles besoingnes ont esté, au pourchas du duc de Bourgoingne, faictes par le roy esdittes ordonnances. De la rompture desquelles ordonnances, qui guaires ne durèrent, furent cause ceulx qui cy après seront nommez, lesquelz sont adez en tour le roy; ausquelz n'a pas souffi rompre et anéantir les dittes ordonnances, mais, sans cesser, persécutent le duc de Bourgoingne et ses subgetz, amis et bien vueillans, en les destruisans de corps et de biens,

contre l'onoeur de luy et de sa postérité', jà soit ce que, ou saint conseille de Constances, eust obtenu une sentence pour soy, par laquelle il apptti clèrement de son bon droit et de la mauvaistie de ses haynneux. c Item, quant au point touchant que les gens du duc de Bourgoingne font guerre ouverte aux gens du roy : respont que, quant il a veu ceulx qui sont entour le roy persévérer en leurs rigeurs, et qu'ilz n'ont voulu entendre à nul bon régime, ne à bien de paix, il fait ces choses savoir, en pluiseurs lieulx, et la voulenté qu'il avoit au bien du royaulme, et les manières qu'il entendoit pour y remédyer, et que, pour celle cause, fist-il son mandement de gens d'armes, et que, grâces à Dieu, il avoit avec luy yj°* chevaliers et escuiers pour servir le roy pour son grant bien, et xxx"* combattans, tous bien vueillans du roy et de son royaulme; et avoit trouvé ceulx des bonnes villes, bons et courtois, congnoissans sa bonne intencion. Avoit aussi trouvé aucunes places plaines de pillars et de larrons dont il avoit le pays délivrez, et en icelles avoit commis preudommes, léaulx gens, ou nom du roy, lesquelz pour nulle quelconques choses ne vouloient faire faulte envers le roy ; sy que toutes ces choses ont esté faictes au gré des bonnes villes qui sont au roy, et cetera. Respond qu'il a ce fait, affin que les subgectz persévèrent en bonne voulenté envers le roy et le royaulme, à la confusion et reproche des empescheurs de paix et destruiseurs du royaulme qui se treuvent entour le roy; et ne l'a pas fait pour tollir au roy sa seignourie et aydes, comme dient les haynneux, mais trop bien que