CHAPITRE LXXXVII

Comment le duc de Bourgoingne, en tirant à Paris, entra enpluiseurs villes du royaulme qui se rendirent à luy. Comment il alla logier sur le Mont Rouge, et envoya son hérault avecques lettres pour présenter au roy et au daulphin. De la responce du daulphin ausdictes lettres. Comment Mont Lehéry, Chartres et Estampes et pluiseurs aultres villes se meirent en son obéissance.

Le duc de Bourgoingne, à son partement d'Amiens pour aller devers Paris, leissa son filz, le conte de

Gharrolois, en Artois, acompaignié de notable conseil, et s'en alla à Corbie et à Mondidier. Et estoient avec luy le josne conte de Saint-Pol, messire Jehan de Luxembourg et pluiseurs [aultres] notables et grans seigneurs. Et de Mondidier envoya à Beauvais le seigneur de Fosseuz^ à compaîgnie de ses trois frères et de pluiseurs notables seigneurs de Picardie, et par certains moyens lui fut la ville ouverte. Et lors il fist assembler les gouverneurs et les plus notables de la ville, et leur fist remonstrer la bonne affection qu'il avoit tousjours eu au bien du royaulme, et les tribulacions qu'il souffroit par le gouvernement mauvais d'aucunes gens de petit estât qui estoient autour du roy. De laquelle proposicion ceulx de Beapvais furent assez content, et tant qu'ilz conclurent de le recevoir en leur ville à tout sa puissance ; et il y alla tantost après, et cryèrent : c Noël > , en son entrée. Il y séjourna viij jours, pendant lequel temps ceulx de Gournay en Normendie s'en vindrent offrir à son service, et ilz lui jurèrent que ilz seroient bons et loyaulx au roy et à luy, et il leur quicta toutes gabelles et subscides, ainsi qu'il fist aux aultres villes royaulles qui vouloient tenir son party.

Ector et Phelippe de Saveuses, à grant compaignies de gens d'armes, allèrent à Beaumont sur Oize pour gaingner le passage ; mais leur fu deffendu par les gens du connestable. Sy retournèrent à Chambelly Le Haubergier* et pillèrent le village et l'église qui estoit plaine