Notre ms. a c tZ

fut longhement ; c'est assavoir, jusques à la prinse de Paris ; car les gouverneurs du roy estoient très desplaisans que les responces du duc de Bourgoiogoe estoient sceues par tant de gens. Néantmoins, en persévérant en leurs obstinacions, eulx advertis, par lesdictes responces, que le duc de Bourgoingne ne se départiroitde son entreprinse, firent rescripre, parle roy, aux villes et passages, entre Amiens et Paris, qu'il ne fust receuz, luy ne ses gens. Et, d'aultre part, le connestable manda ses gens, qui se trouvoient en la frontière de Normendie, qu'ilz venissent hastivement devers luy entour Paris, et les envoya es garnisons sur les frontières de Picardie, pour résister contre le duc de Bourgoingne qu'il ne venist à Paris . Ainsi donc , les frontières de Normendie furent abandonnées aux Anglois, pour contrester au duc de Bourgoingne ; qui sembla à pluiseurs une bien estrange chose.