CHAPITRE LXXXIX
Comment la royne envoya lettres aux bonnes villes de France estans en V obéissance du duc de Bourgoingne. Comment le duc de Bourgoingne fut de rechief frustré de rentrée de Paris; et comment la royne et luy se tindrent la plus grant part de Vyver à Troyes.
La royne venue à Chartres escripvit aux bonnes villes de France estans en Tobéyssance du duc de Bourgoingne
et leur requist et manda, ou nom du roy, qu'ilz se maintenissent en leur bons propos à Fintencion de son cousin de Bourgoingne, sans plus obtempérer k quelques lettres ou mandement du roy, son seigneur, ne du daulphin, son filz, parlans au contraire desdictes lettres. Et elle leur promectoit confort et ayde contre tous ceulx qui les vouldroient en ceste cause nuyre. Ces lettres furent escriptes, à Chartres, le xj* de novembre, Fan dessusdit. Âncoresfut ordonné, audit lieu de Chartres, que messire Jehan de Morviller s'en yroit à Amiens, et avec luy ung grelBîer, et averoit illec le seel de la royne pour sceller tous mandemens dont averoit besoings es bailhages d'Amiens et de Tournay, de Yermandois, de Senlis, sans plus aller en parlement, à Paris. Et estoit le tiltre des mandemens telz que cy après s'ensuit.
^ Ysabel , par la grâce de Dieu , royne de France, c ayans, pour occupation de monseur le roy, le gou- € vernement et administracion de ce royaulme, par c l'ottroy inrévocable à nous sur ce fait par mondit « seigneur et son grant conseil, et cetera. > Par le moyen desquelz mandemens de la royne, ledit maistre Jehan assembla une très grande somme de pécune; et pareillement pour le pays oultre Saine, obéyssans au duc de Bourgoingne, fut ordonné ung aultre chancellier.
Le duc de Bourgoingne, à toute sa puissance, se party de Chartres pour aller à Paris, espérant entrer dedens par le moyen d'aucuns ses amis. Et quant il approcha Paris, il envoya bien vj°* combatans à la porte de Louvel de Castillon, de costé Saint-Marcel. Mais ainçois qu'ilz y venissent, le connestable en fut adverty .
Si envoya de ses gens à icelle porte pour le garder, et par ce moyen fut leur entreprise rompue, et s'en allèrent logîer à Saint-Marcel, atendant la venue du duc de Bourgoingne, qui bien cuidoit entrer dedens la ville de Paris. Mais, son entreprise fut descouverte. Que vous diroye-je? Le duc de Bourgoingne s'en retourna de devant Paris, et vint logier soubz le MontLehéri ; et, là, donna congié à ses Piccars, pour eulx aller yverner en leur pays. Puis, retourna le duc de Bourgoingne à Chartres, devers la royne, à tout le demourant de ses gens; et puis prindrent leur chemin, la royne et luy, pour aller à Troyes, et là furent honourablement receuz. Le duc de Bourgoingne se tint à Troyes le plus grant partie de Tyver ; mais il envoya sur les frontières de Ghampaingne Jehan d'Auvegny et Jehan de Clau, à tout leurs gens, lesquelz firent forte guerre.
