CHAPITRE XC

Comment Jehan de Bavière print la ville de Gorcem sur la confesse de Hollande. Comment ses aens furent desconfis. Comment le roy d'Engleterre concquestoit villes et chasteaulx en NormendiCj et le duc de Clo-cestrCj son frère.

En ce temps, Jehan de Bavière, frère du ducGuillame, faisoit forte guerre en Hollande contre sa niepce Jacques, ducesse en Bavière, et print sur elle Gorcom en Hollande. Mais le chastel ne peurent-ilz avoir, où ceulx de la ville se retrayèrent, et le tindrent vaillanunent. Et entretant, icelle ducesse, avec la contesse de Haynaulx,

sa mère, passèrent par navire en Hollande, à grosse compaingnie de gens d'armes, et entrèrent dedens le chastel qui tenoit pour elles. Et quant leurs gens furent prestz pour assaillir leurs ennemis, madame Jacques, héritière du pays, print la banïère de ses armes, et le bailla à Walleran de Brederodez, en luy disant : c Je € vueil que aujourd'uy vous représentez ma personne, c et vous fay chief de mes gens. > Lors les genà d'armes se mirent en belle ordonnance et yssirent du chastel en la ville et combattirent les gens de Jehan de Bavière; lesquelz furent desconfis. Et, là morut le damoiseau d'Ercles, et bien de cincq à six cens de son party ; et, du party des dames, ledit Walleran de Brederodez, qui fut fort plains des dames, et non sans cause. Le conte de Gharrollois alla en Hollande, pour appaiser son oncle et sa cousine ; mais riens n'en pot faire, et retourna en Flandres.

Alors le roy d'Angleterre estoit en Normendie et conquestoit villes et chasteaulx, car nul ne lui contestoit ; et tant qu'il asséga la ville de Gaem, grande ville et forte, là où il perdy beacop de ses gens à pluiseurs assaulx qu'il y flst. Mais il le print enfin par force, et y furent tués plus de cincq cens de ceulx de dedena. Le duc de Clocestre, frère au roy d'Angleterre, assiéga Chierbourg, qui estoit la plus forte place de Normendie, et y fut le siège dix mois. Puis lui fut rendue par le capitaine qui en eult une somme d'argent, et s'en alla retraire à Rouen, là où il se tint jusques à ce qu'elle fut concquise. Et, depuis, luy fist le roy d'Angleterre trenchier la teste ; dont pluiseurs seigneurs de France ne furent guaires courouchiés.