L. et B. — Nos ms8. ont t occupé

Luxemboui^ désadvoer le fait pour contenter ceulx de Paris.

Le duc de Touraine, daulphin de Vienne, fut induis par Taneguy du Ghastel, le visconte de Nerbonne, le président de Perronne et aucuns aultres, ses gouverneurs, de faire guerre au duc de Bourgoingne, et se fist nommer régent de France, non obstant qu'il fust pluiseiu^ foiz sonmiez et requis, de par le roy, la royne, et le duc de Bourgoingne, de retourner avec eulx; et on luy feroit tout honneur. Mais il n'en vault riens faire, ains se disposa à faire guerre; et tant que une foiz viij compaignons armés à la couverte, s'en allèrent à la porte de Gompiégne qui va à Pierrefons, et adviçèrent leur point d'entrer avec une charrette de bois. Sy tuèrent sur le pont ung des chevaulx de la diarrette, parquoy la charrette demeura sur le pont, et ne peult estre levé. Puis tuèrent aucuns des portiers, et, à ung signe qu'ilz firent, saillit de la forest le seigneur de Bosqueaulx à v^ combattans, et entrèrent en la ville, et cryèrent : « Vive le roy et monseigneur le daul- « phin ! » et tuèrent pluiseurs gens en leur venir. La ville fut fustée, et furent prias et pilliés tous ceulx qui tenoient la partie de Bourgoingne. Le seigneur de Créveceur et le seigneur de Chevreuse furent menez à Pierrefons et eschappèrent depuis par finances.

Ainsi fut Gompiégne prinse et concquise par les Daulphinois, lesquelz se prinrent à faire dure guerre es pays du duc de Bourgoingne.