L. etB

tout ce qu'ilz demandèrent. Et tântost le firent monter à cheval, avec luy le frère du roy da Gippre, et le firent chevauchier avec eulx parmy la ville. Aucuns allèrent à Tostel du connestable pour le prendre; mais il en fut adverty et se sauva, en habit dissimulé et desguisé, en la maison d'un povre homme auprès de son ostel. Aucuns aultres s'en allèrent à l'ostel du chanceHier et de Bemonnet de La Guerre, lesquelz furent trouvez et saisiz.

Adout s'avisa Tanegy du Gastel, prévost de Paris, quant il ouy l'efifroy, d'aller à l'ostel du daulphin et l'enveloppa en ung linchœl hastivement, et en ce point l'emporta en la bastille Saint-Anthoine , là où secrètement pluiseurs notables gens de leurs gens se retrayèrent. Ainsi doncques, celle nuyt, le premier et le second jour ensuivant, iceulx gens de guerre et le peuple ne cessèrent de fuster les maisons des gouverneurs du roy et de leurs favorissans, prindrent tous leurs biens et pluiseurs prisonniers et les menèrent au Pallais, à Louvre et en Ghastelet, et en pluiseurs aultres lieux. Entre lesquelz furent les évesques de Senlis, de Bayeulx et de Goustances, messire Hector de Ghartres, messire Enguerant de Marcougnet et aultres sans nombre.

Le seigneur de Lille Adam, après ces choses faictes, fîst establir le Veau de Bar prévost de Paris, au lieu de Taneguy de Ghastel ; et, à brief dire, tous les conseilliers du roy, et aultres tenans le party du conte d'Erminacq, furent pilliés,prins ou occhis cruellement. Et, avec ce fut cryé, de par le roy, à son de trompe que tout homme ou femme, qui sçavoient aucuns tenans le party du conte d'Erminacq, respons ou mouchiés, le

[1418] SEIGNEUR DE s AINT-REMY. 329

Dunchassent au prévost, soubz confiscation de corps et de biens. Et tantost après, le povre homme, où estoit le conte d'Ërminacq muchié à sa maison , le alla nunchier au prévost, lequel le alla prendre en ladicte maison et le mena prisonnier au Pallais.

Entre ces choses, Taneguy du Castel trouva manière de envoyer le daulphin, par Charenton, à Corbeul, à Melun, à Mortagies; et si manda gens de son party de toutes pars, pour venir devers luy à la dicte biastille de Saint-Antlioine. Et, d'aultre part, le seigneur de Lille Adam envoya hastivement en Picardie et ailleurs, pour tyrer gens d'armes à Paris; et en brief jours après, y vint grant nombre de gens de Picardie et d'ailleurs.

Le merquedy, au matin, après la prinse de Paris, le maressal de Rieu, le seigneur de Bourbasanet Taneguy du Chaste! , à compaignies de xv^ combattans, entrèrent dedens Paris, à estandart desployé, par la porte Saint- Anthoine, et s'en allèrent par derrière entrer à l'ostel de Saint-Pol, cuidant trouver le roy pour l'enmener aveceulx; mais ne le trouvèrent pas, car on l'avoit mis au Louvre, à tout son estât. Si chevauchèrent en celle grant rue, cryant : « Vive le roy et le connestable, « conte d'Ërminacq ! > . Mais ceulx de Paris, tous incontinent, avec leur nouveau prévost et le seigneur de Lille Adam, s'en coururent celle part à si grand eflfort, qu'il convint les Erminacques retraire dedens la Bastille, et y perdirent jusques au nombre de iij ou iiij^ des plus aventureulx de leurs gens; et, des Parisiens, furent occis environ xl hommes. Et tantost après, iceulx le marissal de Rieu, Barbasan et Taneguy, leissèrent bonne garnison dedens ladicte

Bastille, et s'en allèrent à Gorbeul, à Melun et à Meaulx.

Et d'aultre part, le jeudy ensuivant, vinrent à Paris Ector et Pbelippe de Saveuses, à ij^ combattans et se logèrent d'en costé la Bastille, aux Toumelles et là entour. Et puis, le vendredy, le samedy et les jours ensuivant, vindrent à Paris messire Jehan de Luxembourg, le seigneur de Fosseulx et aultres, à grant compaignie. Geubc qui furent occis du party du conte d'Erminacq, furent, par le bourel de Paris, portez aux champs et là enfouys. Les aultres de Paris furent enr terrés bonnourablement en terre saincte.

Après ces choses faictes, ceubc qui furent demourez en ladicte Bastille, traictèrent avec le seigneur de Lille Adam, et s'en allèrent, leurs corps saufz et leurs biens ; et fut commis à ladicte Bastille, de par le roy, le seigneur de Gauny, qui grant temps avoit esté prisonnier là dedens, et depuis qu'il retourna d'Amiens faire l'ambassade au duc de Boui^oingne , dont cy dessus est touchié.

CHAPITBE XÇIV.

Comment les^ Parisiens y gens de petit estât ^ au nombre de quarante mille hommes j allèrent en diverses prisons et tuèrent bien trois mille hommes, entre lesquelz fut occis le conte d'Erminacq, connestàble de France^ pluiseurs évesques et seigneurs. .Comment

1 . Notre manuscrit dit : « pluiseurs Parisiens, » ce qui n'est pas admissible pour 40,000 hommes.

la royne de France et le duc de Bourgoingne entrerent dedens Paris. De pluiseurs aultres advenues; et comment la ville de Compiègne fut prinse des Daulphinois.

Le xij^ jour de juing ensuivant, ceu]x de Paris, de petit estât, s'assemblèrent bien xl mille hommes; et, doubtans que les prisonniers ne fussent mis à délivrance, s'en allèrent comme bestes enragiés, contre le gré de leur prévost et des seigneurs estans adont à Paris, cryans : « Vive le roy et le duc de Bourgoingne ! » , à grant bruit, à toutes les prisons , tuèrent cépiers et cépières, et tout ce qu'ilz trouvèrent de prisonniers, indiféramment , sans nul espargnier, jusques au nombre de trois mille hommes. Desquelz et les plus principaulx furent : le conte d'Erminacq, connestable de France ; le chancellier de France ; les évesques de Constances, de Bayeux, d'Evreux, de Senlis et de Saintes; le conte de Grant Près; Remonnet de La Guerre; l'abbé de Saint- Corn ille de Compiègne; Ector de Chartres ; Chariot Poupart, argentier du roy; et générallement tous ceulx qui estoient esdictes prisons; jà soit ce que pluiseurs y fussent pour débat ou pour debtes, mesmement tenans la partie de Bourgoingne. Et, oultre, furent occhies pluiseurs fenmies, parmy la ville, inhumainement, et laissiés es places où elles estoient occhies.

Celle occision commença à iiij heures, après minuyt, et dura jusques à dix heures du matin du jour ensuivant. Icellefe occisions et murdres se firent, présens messire Jehan de Luxembourg, le prévost de Paris, et le seigneur de Fosseux, le seigneur de Lille Adam et

pluiseurs aultres, jusques au nombre de mil combattans, tous en armes et sur leurs chevaulx. Et n'y avoit si hardy, entre eulx, qui osast dire, sinon : c Mes c enfans, vous faictes bien. »

Le corps du connestable, du chancellier et de Remonnet de La Guerre, furent tous desnuez en la cour du Pallais, loyés ensemble et là demourèrent trois jours en ce point ; et les mauvais enffans se jouoyent à les traîner avant la cour du Pallais. Et avoit, le connestable, osté de son corps une bende de son cuir de deux dois de largbe, qui estoit une grande desrision. Et, au iiij® jour, furent mis sur des'beneaubc et menez hors Paris, et furent enfouys, avec les aultres, en une fosse, nommée la Louvière, auprès du marchié aux pourceaux. Iceulx conununs de Paris, non asouffîs de celle occision, ne cessèrent, par pluiseurs jours après, d'aller es maisons de ceulx qui estoient nottés avoir tenu le party d'Erminacq, et prenoieut \eacs biens et les occyoient sans mercy. Et s'ilz hayoient ung bonmie, luy faisoient entendre qu'il estoit Erminacq et le tuoient. Et se aucun hayoit ung aultre, et il leur deist : « Yeez là ung Erminacq ! » il estoit occis tout incontinent, sans ce que nulz en osast parler.

Le duc de Bourgoingne, oyes les nouvelles de la prinse de Paris, assembla hastivement ce qu^il peult avoir de gens et s'en alla, à Troyes, devers la royne, et manda messire Jehan de Luxemboui^ et le seigneur de Fosseux, lesquelz y allèrent, à mil combattans. Puis se partirent de Troyes, en grant arroy, la royne et le duc de Bourgoingne, et s'en allèrent à Paris, et y vindrent, le xiiij® jour de juillet ; et yssirent de Paris

plus de yj^ hommes à cheval allencontre d'eulx, portons heucques bleues, et, par dessus, la croix Saint- Andrieu, en lieu de la bende qu'ilz avoient longtemps porté ; et ofifrirent au duc de Bourgoingne et à son nepveu, le jeusne conte de Saint-Pol, deux bleues heucques de velours, à croix Saint-Andrieu, comme ilz portoient. A entrer en Paris, ilz s'en allèrent descendre à Fostel de Saint-Pol, où estoit le roy, qui les receut à grantjoye.

Aucuns jours après, se tindrent à Paris pluiseurs consaulx sur le fait du gouvernement du royaulme« Le seigneur de Lille Adam, et le seigneur de Ghastellus, furent faiz mareschaulx, et messire Robinet de Mailly, fu fait grant panetier de France ; messire Charles de Lens fut fait admirai ; maistre Eustasse de Lattres fut fait chancellier ; maistre Phelippe de Morviller fut fait premier président en Parlement ; et le duc de Bourgoingne fut fait capitaine de Paris, et messire Charles de Lens, son lieutenant; et accordoit le roy tout ce que on luy demandoit.

Entre ces choses, ung nommé Jehan Vertaing, capitaine de Saint-Denis, fut otcis par xij compaignons, à là Chapelle, entre Paris et Saint-Denis; et en fut accusé^ messire Jehan de Luxembourg, pour ce que aucuns de ses gens le tuèrent; c'est assavoir Lionnel de Wandonne, le bastart de Roubaix et aulcuns aultres. Et en furent ceulx de Paris si malcontens qu'ilz saillèrent aux champs pour prendre et mectre à mort les facteurs. Mais ne les trouvèrent point et convint ledit de