Notre manuscrit porte « xvij », par faute de copiste
de son royalme, comme de l'armée qu'il avoit intencion de mener en France, fist UDg mandement par tout son royaulme, à tous les princes, barons, chevaliers et gens acoustumés d'eulx armer, leur mist ung.jour à estre prest au port de Hantonne où ilz le trouveroient. Auquel jour vindrent ceulx qui y furent mandez. Sy estoient avec luy deux de ses frères, les ducz de Glarence et de Glocestre, les contes de Hostidonne, de Werwic, de Salbry, de Sufolz, de Kint , le grant seigneur de Ros , le seigneur de Gornouaille, les seigneurs de Wiblevy, d'Escalles, et pluiseurs aultres barons, chevaliers et escuiers; et avec eulx grant nombre de gens d'armes et de traict.
Le roy , veant son armée preste , se tourna à Hantonne, où son navire estoit aprestée. Sy monta dessus avec tout son armée, et tant nagèrent qu'ilz prindrent port à Toucque en Normendie, sur intencion de mectre en son obéissance toute la duchie de Normendie. Auquel lieu de Toucque y avoit ung fort chastel royal, qui tantost fut asségié. Le roy fist dreschier ses engins et habillemens de guerre. Finablement messire Jehan d'Angiennes, capitaine dudit chastel, sachant qu'il n'auroit point de secours, rendy le chastel et le mist en l'obéyssance du roy d'Angleterre, moyennant les vies saulves, corps et biens de luy et de tous ses gens; et eult trois jours d'induice pour les widier, et aussi le roy leur tint sa promesse.
Après icellc reddicion et qu'il y eult mis de ses gens pour le garder, se party dudit chastel en belle ordonnance. Premièrement, fist partir son avant-garde, puis sa battaille; après, vint son arrière-garde, et entre sa bataille et son arrière-garde estoient les chariotz,
charettes, ses vivres et artillerie de guerre. Le roy d'Angleterre chevaucha [en pays], et tellement exploita que, en peu de temps et espasse, se rendirent à luy les villes et forteresses de Harcourt, du Becq-Helluyn, Verneul, Evreux et pluiseurs aultres places, sans faire grant deffences. Par lesquelles reddicions les aultres bonnes villes et forteresses d'icelluy pays de Normendie se commencèrent moult fort à esmerveiller ; car ilz avoient peu de gens pour eulx deffendre.
Ainsi que vous avez ouy, estoit toute France en desrision et division ; qui estoit bien propice chose pour le roy d'Angleterre.
Et en icelluy temps fut esleu pappe, le cardinal de La Coulombe, et fut nommé pappe Martin, qui par l'abprobacion du saint concilie de Constances, ordonna ledit concilie à estre convocquié au v® an ensuivant, l'an mil im^ et xxni. Le roy d'Angleterre, qui estoit, à grant puissance, ou pays de Normendie, concquérant villes et chasteaulx, conune dit est; et durant les grans divisions qui estoient en France , entre les François et les Bourguignons, ledit roy d'Angleterre, après ce qu'il eult prins pluiseurs villes et chasteaulx, il alla mectre son siège devant la bonne ville de Kem, qui estoit moult puissant et bien peuplée. Il le fist assaillir par divers assaulx où moult perdy de gens ; mais, enfin, tant continua que la dicte ville par force et d'assault fut prinse; et furent bien mors vj^des deffendans. Et depuis se tint le chastel environ iij sepmaines ; mais enfin se rendy, moyennant que le capitaine et ses gens eulrent scçurté du roy d'Angleterre d'eulx partir, saulfz leurs corps et biens.
Après laquelle concqueste, le roy d'Angleterre fist
asseigier par son frère, le duc de Glocestre, la forte ville et chastel de Ghierbourg, qui estoit la plus forte place de toute la duchie de Normendie et les mieulx pourveuz de vivres et habillemens de guerre. Et y fut le siège environ x mois que oncques ne furent secourus. En la fin, messire Jehan d'Enjennes, qui en estoit capitaine, le rendy au duc de Glocestre pour et ou nom du roy d'Angleterre, moyennant qu'il en eult certaine somme d'argent, au partir, et saulf conduit pour aller où bon luy sembla. Et s'en alla depuis en la cité de Rouen. Après ce qu'elle fut concquise du roy d'Angleterre, là séjourna tant que sondit saulf conduit fut passé sur la fiance d'aucuns seigneut's Anglois, qui luy donnèrent à entendre qu'ilz luy feroient ralongier. Mais il fut trompé, et luy fist le roy d'Angleterre trenchier la teste, pour ce qu'il avoit prias ai^nt pour la reddicion de la place, laquelle estoit encoires assez bien garnie de vivres et d'artillerio. Dont aucuns François furent bien joeulx , pour ce\qu'il avoit rendu la place par convoitise d'argent au préjudice du roy.
