CHAPITRE C

Comment ceulx de Rouen envoyèrent vers le roy et le dtic de Bourgoingne pour avoir secours, et pour leurs remonstrer la nécessité, misère et povreté qt^ilz souffr oient par famine et peste. D'ungne embnsche que les François feirent sur les Anglois, qui ne leur porta que dommage.

Or, pour parler de Testât et gouvernement du roy et du duc de Bourgoingne, vérité est que, pour pourveoyr à la délivrance de ceulx de Rouen, mandèrent gens d'armes en pluiseurs lieux du royaulme, lesquelz y vindrent en grant nombre. Et adont le roy, la royne et le duc de Bourgoingne vindrent de Ponthoise à Beauvais, afïîn d'avoir vivres plus habondamment. Auquel lieu furent tenus pluiseurs destrois consaulx, pour savoir comment on secouroit ceulx de Rouen; mais on ne povoit trouver manière raisonnable que faire se peuist, pour la division qui estoit entre le daulphin et le duc de Bourgoingne; et, avec ce, le roy d'Angleterre estoit trop puissamment fortifié.

Ce temps durant que le roy estoit à Beauvais, vindrent devers luy, comme je oy dire, quatre gentilz hommes et quatre bourgois de Rouen (ne sçay comment il en yssirent) , pour signiffyer au roy et à son conseil le misérable estât que c'estoit de veoir la cité. Lesquelz, en la présence du roy et du duc de Bourgoingne et du grant conseil du roy, dirent comment pluiseurs milliers de gens de sa ville estoient jà mors

de fain^ dedens ladicte ville; et que, dès Tentrée du mois d'octobre, ilz estoient constraiosde meugier chevaulx, chiens, chas, ras et souris, etaultres choses non appertenant à créature humaine. Et avec ce avoient bien jà boutté hors de la ville xij"* povres gens, desquelz la plus grant partie estoient mors dedens les fossez piteusement ; et souvent failloit que les bonnes gens tirassent par pittié, amont, les petis enfans nouveauk nez pour les faire baptisier, et après les rendoient aux mères. Et moult en morurent sans estre baptisiés; lesquelles choses estoient moult griefves et piteuses, tant seulement à oyr raconter. Et alors dirent au roy : Sire, et vous noble duc de Bourgoingne, les bonnes gens vous ont jà pluiseurs foiz signiffiez et fait savoir la grant nécessité et destresse qu'ilz seufirent; à quoy n'avez encoires pourveu, comme promis avez. Et pourtant, àcestederrenièrefoiz, sommes envoyez devers vous nunchier par lesdis assegiez que, se en dedens brief jour ilz ne sont secourus, ilz se renderont au roy d'Angleterre. Et dès maintenant, se ce ne faictes, ilz vous rendent la foy , serment et loyaulté et obéyssance qu'ilz ont à vous. »

Ausquelz par le roy et le duc de Bourgoingne fut respondu bénignement que encoires n'estoit pas la puissance du roy si grande que pour lever le siège de Rouen ; dont moult leur en desplaisoit ; mais, au plaisir de Dieu, briefment seroient secourus. Eticeulx demandèrent, dedens quel temps? A quoy le duc Jehan fist responce : en dedens le Noël. Et sur ce s'en retournèrent en la ville de Rouen au mieulx qu'ilz porent; mais ce ne fut pas sans grant doubte et paour, et non sans cause. Non obstant ce, ilz rentrèrent en la ville

très joyeulx de ce qu'ilz estoient ainsi eschappés sans péril et fortune. Quant là furent revenus, ilz racontèrent de mot à mot ce qu'ilz avoient besoin^ gnié.

Or, pour parler de Testât de ceulx de Rouen, n'est nulz qui sceusist raconter la povreté et misère que le povre peuple y soufroit de famine ; car, comme il fut sceu véritablement, là morurent durant ledit siège plus de 1™ personnes de famine. Et qu'il soit vray, en ung seul chimentière, nommé la Magdalaine, y furent enterrez, de conte fait, plus de xxxij™ personnes. La famine y estoit si grande que les aucuns, quant ilz veoient porter viande par les rues, comme tous désespérez, y couroient pour le tollir, et souvent, en ce faisant, souffroient que on les baptesist et navrast très cruellement : car, par l'espasse de trois mois, ne furent vendus quelques vivres en icelle ville sur le marchié ; ainchois les vendoit-on à couvert ; et ce que par avant le siège estoit vendu ung denier, on le vendoit lors xx, XXX ou xl deniers, et encoires pour nulle finance n'en po voit-on recouvrer. Pourquoy, comme dist est, ileult, le siège durant, dedens icelle ville moult de tribulacions piteuses à raconter ; car, qu'il soit vray, ladicte famine fut si grande que, pour une pièce de pain, belles josnes pucelles se abandonnoient. Les malles fortunes et adventures-seroient fortes à recorder et trop longhes à escripre.

Durant ce temps, messire Jacques de Harcourt, le seigneur de Moreul, assemblèrent deux milles combattans ou environ, qu'ilz menèrent à deux lieues ou environ près du siège, en intencion de faire sur les Anglois aucune destrousse. Et de fait, se mirent en I 23

354 CHRONIQUE DE JEAIf LE FÉVRE [fil 8]

embusche en deux lieues ' du siège, assez près l'un de l'autre pour veoir les ennemis venir; et, après, envoyèrent coureurs bien vj^^ honunes d'armes, îesquelz allèrent férir en ung village assez près du siège, où il y avoit aucuns Anglois, qui tantost furent mors ou prins, sinon aucuns qui par bons chevaulx se saulvèrent et fuyrent en l'ost, très fort crians c à Tarme, » disans qu'ilz avoient veu les François en grant nombre.

Sy ordonna le roy d'Angleterre le seigneur de Cornouaille, à yj^ combattans, pour aller voir que c'estoit; et, sans arrester, s'en alla radement, et brief trouva les coureurs François ; Iesquelz veans les Ânglois trop grant nombre, retournèrent par devers leurs eaahbuscbes ; ausquelz ilz dirent la venue des Ânglois. Les Ânglois chevauchèrent très hastivement après eulx, et lors les François estant en embusches se mirent les aucuns en ordonnance pour aller par devers leurs ennemis, et les aultres tournèrent le dos, et se mirent à la fuicte. Pourquoy les Anglois, ce veant, frappèrent dedens ; et finablement les mirent en desroy ; et furent ce jour, que mors que prins, xij" hommes d'armes François; et les aultres se saulvèrent. Après, retourna le seigneur de Gornuaille au siège, très joeulx de sa bonne fortune, de laquelle le roy d'Angleterre et tous ses princes furent moult joeulx. Gy laisse à parler des Anglois, et retourne à parler du roy.