M., c lieux

feirent , moiennant lequel il rendirent la ville audit Toyy qui avoitesté^ en V ohéissdtnce des François ^ deux cens et xv ans.

Le roy, la royne et le duc de Bourgoîngne estans à Beauvais, comme dit est, tindrent conseil pour savoir quant ceulx de Rouen seroient secourus ; mais, en la conclusion fut avisé qu'ilz n'estoient pas assez puissans, pour le présent, pour combattre le roy d* Angleterre, ne lever le siège. Et pourtant on donna congié à la plus grant partie des gens d'armes qui estoient assemblez, et les aucuns furent mis en garnison sur les frontières, tant sur les Anglois comme contre les Daulphinois. Après lesquelles conclusions, le roy, la royne et le duc de Bourgoingne se partirent de Beauvais et s'en allèrent à Provins; pourquoy moult de gens furent moult esmerveilliés. Sy furent tantost icelles nouvelles nunchées à ceulx de Rouen , et leur fut mandé secrètement, parle duc de Bourgoingne, que ilz traictaissent pour leur salvacion avec le roy d'Angleterre au mieulx que povoient, et que aultrement n'y povoient remédyer.

Et adont, quant les nouvelles furent espandues et publiées en icelle ville, iceulx asségiés furent moult doulans. Sy s'assemblèrent en la maison de la ville les plus notables, pour savoir comment ilz se auroient à conduire devers le roy d'Angleterre. Et fut conclud, puisqu'ilz avoient perdu l'espérance d'estre secourus, et qu'ilz n'avoient nulz vivres, convenoit par nécessité qu'ilz traictassent avec leurs ennemis. Sy envoyèrent ung hérault devers le roy d'Angleterre, pour avoir ung saulf conduit pour vj hommes aller devers luy ; lequel

leur fiit envoyé. Sy ordonnèrent à faire ceste ambassade deux hommes d'église, deux gentilz honmies, et deux bourgois ; et allèrent tout droit devers la tente du roy. Mais ilz furent conduis par ses gens au logis de l'archevesque de Cantorbie, qui avoit la charge, avec le conte de Warvic , de par le roy d'Angleterre , de traictier avec eulx.

Et après qu'ilz furent assemblez , il y eult pluiseurs matières ouvertes ; assavoir, à quel fin ilz pouroient venir. Mais, pour ceste foiz, ne porent oncques obtenir ne avoir quelque traictié, sy non que tous les honmies de la ville se meissent en la france volenté du roy d'Angleterre. Et sur ce s'en retournèrent dedens la ville et firent leur rapport, lequel leur sembla estre moult estrange. Et fut dit, par tous ceulx là estans, que mieulx ameroient vivre ou morir tous ensemble, combattans leurs ennemis , que eulx mectre en la subjeotion du roy d'Angleterre. Sy se départirent pour ce jour, sans riens conclure ; et l'endemain revindrent ensemble en moult grande multitude. Et après pluiseurs parlement , finablement furent tous d'oppinions de mectre sur estaches de bois ung pan de mur par dedens la ville ; après , eulx tous ensemble hommes , femmes et enffans armer. Quant ilz auroient premiers bouté le feu en divers lieux parmy la ville, ilz habatteroient ledit pan de mur es fossez, et s'en iroient où Dieu les vouldroit conduire. Sy se partirent à intencîon de l'endemain, par nuyt, mectre à exécution leur entreprise. Mais il advint que le roy d'Angleterre fut de ce adverty; et, pourtant que son désir estoit d'avoir la ville entière à son obéyssance , fist fainctement remander les ambassadeurs par Févesque de

[1418] SEIGNEUR DE s AIlfT-REMY. ftt' 357

Gaptorbie, avec lequel et aultres ad ce commis fut tant traictié que les parties furent d'accord par la manière cy après déclarée.

Premièrement, fut ordonné que le roy d'Angleterre averoit, de tous les bourgois et habitans de laditte ville de Rouen, la somme de iij^etxlv"^ escus d'or, du coing de France, et iij hommes à sa voulenté, lesquelz furent dénommez : c'est assavoir, maistre Robert de Luyet, vicaire général de l'archevesque de Rouen, lequel, durant le siège, s'étoit gouverné moult prudentement ; le second fut Jehan Bourgois, nommé Jehan Jourdain, qui avoit eu le gouvernement des canonniers ; le tiers fut nommé Alain Blanchart, qui estoit capitaine du menu commun. Et avec ce, tous universellement jurèrent au roy d'Angleterre et à ses successeurs de tenir foy, loyaulté et service avec toute obéissance, moyennant qu'il leur promectoit de les deffendre allencontre de tous ceulx qui force ou violence leur vouldroient faire ; et avec ce les tenroit en leurs privilèges , franchises et libertez , desquelz ilz possessoient ou temps du roy saint Loys. Et en oultre fut ordonné que tous ceulx qui se vouldroient partir, s'eniroient francement tant seulement vestus d'aucuns de leurs habis, et le surplus demouroit confisquié au roy d'Angleterre.

En après fut ordonné que tous les gens d'armes mecteroient généralement tous leurs biens en certains lieux déclarez ; et après qu'ilz averoient fait serment au roy d'Angleterre d'eulx point armer ung an durant allencontre de luy, il leur feroit bailliei* saulf conduit, et les feroit conduire oultre ses destrois, vestus chascun de ses habis acoustumez, tout à pied, le baston au poing. Après lesquelz traictiés accordez et paracom-

plis , et que le roy d'Angleterre eult pleiges d'entretenir les choses dessus dictes, ceulx de la ville, en nombre compétent, aDèrent quérir vivres, à leurs plaisirs, en Tost du roy d'Angleterre. Lequel traictié fut du tout parfurny, le xvj® jour de janvier, l'an mil quatre cens et xviij ^ ; et le jeudi ensuivant, entra le roy d'Angleterre dedens la ville de Rouen, en grant triumphe, acompaignié des seigneurs de son sang et aultres. Et avoit ung page darrièreluy, sur ung moult beau coursier , portant une lance à laquelle d'emprés le fer avoit atachie une queue de regnart en manière de penoncel. Puis alla logier dedens le chastel.

Ainsi fut la ville et cité de Rouen concquise par les Anglois, laquelle avoit esté en l'obéyssance des rois François depuis l'espasse de ij® et xv ans que le roy Phelippe, père de saint Loys, avoit concquise sur le roy Jehan d'Angleterre, comme confisquie par deffaulte de relief, par le jugement des pers de France. Puis, quant vint l'endemain, le roy fist copper la teste à Allain Blanchart, capitaine du commun ; et les deux aultres, qui estoient en sa voulenté, furent depuis saulvés en payant certaine somme de pécune. Et après fist yssir la garnison, tout à pied, comme dit est.

En icelle meisme saison , le roy fist envoyer grànt garnison es frontières et contre les Anglois. D'aultre part les Anglois gastoient tout le pays par feu et par espée; et, d'aultre costé, les Daulphinois faisoient le

1. Notre ms. a en marge : c L'an m. gggg. et xvin, stil gallican, le xvj de janvier fut par le lundy. » Cette note est de la même ture que le texte.

[tifS] SEIGmCUR DE SAINT-REM Y. 359

pareil. Et, quant aux gens du roy et du duc de Bourgoiogne, ne se faignoient pas; et par ainsi centrés noble royaulme estoit en divers lieux travaillié et molesté, et merveilleusement oppressé par les iij parties dessusdictes. Et n'avoit le povre peuple conune nulz deffendeurs ne aultres recours que de eulx plaindre lamentablement à Dieu, leur créateur, en attendant sa grâce.