M. P. et L., « parties
goingne, accordèrent, jurèrent et promirent es mains dudit légat, en paroUe de princes, sur les saintes Evvangiles, et sur la vraye Croix, de tenir de point en point ladicte paix et traictié. Et avec ce accordèrent, de lors et pour le temps advenir, que se l'un d'eux rompoit la paix, ou alloit allencontre d'icelle paix et traictié, que tous ses hommes, vassaulx et subgetz et serviteurs se armassent allencontre de luy, et de tous sermens de fidélité et aultres les quictoient ; et vouloient de fait que ainsi se feist en monstrant, tous, grant signe d'estre joeulx, maudissans tous ceulx qui jamais porteroient armes pour si dampnable querelle.
Et après qu'ils eulrent esté une espasse ensemble en ceste estât et en grant signe de liesse et d'amour l'un à l'autre, le daulphin monta à cheval, et luy tint l'estrier le duc de Bourgoingne, non obstant que moult de foiz luy pryast le daulphin que de ce faire il se déportast. Après, monta à cheval le duc de Bourgoingne, et chevauchèrent ung petit ensemble, et puis prindrent révéramment congié l'un de l'autre ; et s'en alla le daulphin à Melun, et le duc de Bourgoingne à Corbeul. Et lors, après ceste départie, le daulphin et le duc de Bourgoingne firent faire et ordonner, par leurs conseilliers, Chartres et lettres des sèrements faiz ensemble pour la paix et union entretenir entre les parties. Lesquelles promesses et juremens ne furent en riens tenus ; dont peu s*en failly que tout le royaulme n'en fïit perdu et destruit. Et de fait en advint tant de maulx que plus ne sy grant n'en advinrent oncques en France, comme cy après pourrez
366 GHRONIQUC DE JEAN LB FiYRE [1419]
oyr. Touteffoiz, je m'en passe en brief; car au long se poura monstrer par les cronicques qui de ce font ou feront mencion. Et fut icelle paix et traictié publiée en ptuiseurs lieux, en France et Picardie.
Or convient retourner à parler du roy d^Ângleterre, lequelle, quant il oy nouvelles de la paix et allyance que avoient fait ensemble le daulphin et le duc de Bourgoingne, ne fut pas joieulx : car bien luy sembla que plus fort seroient les deux princes ensemble que divisés. Néantmoins, il se délibéra et conclud de poursuyr et mener à fin sa querelle et entreprinse allencontre de tous ceulx qui nuyrent le vouldroient, et gecta son ymaginacion et advis que bonne et profitable luy seroit la ville de Ponthoise, se il le povoit avoir. Et sur ce manda aucuns de ses plus féables capitaines et aussi de ceulx qui avoient esté dédens icelle ville durant les ambassades dont dessus est faicte mention. Sy leur déclaira sa voulenté, et iceulx luy respondirent que, en ce et en toutes aultres dioses qu'il luy plairoit commander, estoient prest de eulx y employer sans espargnier leurs corps, quelque paine ou travail qu'ilz y deussent avoir. Et sur ce fu ordonnez, de par le roy d'Angleterre, ceulx qui de ceste besoingne averoient la chaîne ; c'est assavoir, Gaptan de Bœuf, vaillant chevallier, frère du conte de Foes, qui avoit avec luy ung des bons eschielleurs du monde, lequel pourgecta la ville. Et, qu'il soit vray, ung peu devant soliel levant, ayant tout son eschiellement prest à Teure que le guet fut descendus pour aller à la premier messe, pour boire au matin, Teschielleur fist sa dilligonce de dreschier eschielles par lesquelles An-
[1419] SEIGNEUR DE s AIîrr-RBMY. 367
giois montèrent si dilligeminent que oneques ne furent perceuz qu ilz ne fussent les plus fors dedens la ville, et fut [ung lundi] ^ le dernier jour de juillet.
Quant Ânglois se veyrent les plus fors, ilz commencèrent à cryer, c saint George ! p Duquel cry fu la ville toute esmeue, et le seigneur de Tille Adam tout esmerveilliés; lequel, sans délay, avec aucuns de ses gens, monta à cheval et alla veoir où estoit Teffroy, Mais, quant il perchent les Anglois en la ville, en sy grant nombre, s'en retourna et fîst la plus grant dilligénce qu'il peult de saulver ceulx de la ville de Ponthoise, dont pluiseurs furent saulvés. Et fîst ouvrir la porte pour aller vers Paris ; puis, de la ville en sa compaingnie, yssirent bien vj°^ personnes tant honmies, femmes, comme enffans, tous désolez.
Ainsi fut la ville de Ponthoise prinse par les Anglois, en laquelle ilz firent maulx innumérables, comme par coustume se fait en ville ainsi concquise , et gaignèrent si grant finances qu'il n'est à croire; car le roy, la royne, le duc de Bourgoingne, pluiseurs grans seigneurs et ambassades y avoient esté grant espasse de temps, et estoit remplie de tous biens. Pour laquelle prinse le pays de l'Ille de France, et par espécial vers Paris, furent desconfortez. Et quant les nouvelles en ce mesme jour vindrent à Saint-Denis, où estoit le roy, le duc de Bourgoingne et leurs estatz assez tost se départirent et s'en allèrent à Troyes, ensemble la royne, madame Catherine et pluiseurs aultres.
Le seigneur de l'Ille Adam assembla gens pour
1. M.P. et L. — Notre ms. a en marge : « Le dernier jour de « juillet fut par lundy. j>
mectre en garnison, et se mist en la ville (jp'Beauvais, pour tenir frontière et pour résister aux entreprinses que chascun jour les Anglois faisoieut. Touteffoiz, icelluy seigneur de Tille Adam fu modlt blasmé p<Mir ce que ainsi négligentement, par faulte de guetz, avoit leissié prendre la ville de Ponthoise. Et par espécial les gouverneurs du daulphin en furent très mal content; mais aultre chose n'en orent.
