CHAPITRE CIV

Comment la ville de Gisors se rendist aux Anglais , comme aussi fist le Chasteau Gaillarty après avoir soicstenu et enduré le siége^ par Vespasse de xvj mois^ et par faulte de cordes pour tirer eaue.

Après ce que le roy d'Angleterre, qui, jour et nuyt, ne pensoit à aultre chose fors à venir au dessus de son entreprise, sceult le prinse de Ponthoise, il fut moult joyeulx * ; et assez tost après, manda son frère, le duc de Clarence auquel il bailla la charge de foison de gens d'armes et de traict pour aller asségier la ville de Gisors ; dedens laquelle ville estoient capitaine Lionnel de Bournoville, et dedens le chastel David de Goy. Lesquelz par les Anglois furent tant

1. Tous les textes ont : t dont il fut moult joyeulx. » Nous supprimons ce pronom, pour pouvoir conserver, ensuite, la conjonction, c et aussitost après, » comme dégageant mieux la phrase. L. a supprimé la conjonction et gardé le pronom. C'est à choisir; car, évidemment, Tun et l'autre ne peuvent aller ensemble.

approchiez que, en la fin de iij sepmaines après le .--^

siège mis, flendirent la ville et forteresse au duc de Clarence par défaulte de vivres, moyennant qu'ils s'en yroient avec leurs gens, saulfz leurs corps et biens, et les habitans de la ville demouroient obéyssans au roy* d'Angleterre, en faisant le serment. Et ainsi se départirent les dessusdis Lyonnel de Bournoville et ceulx qui aller s'en vauldrent.

En ce temps, le roy d'Angleterre envoya asségier le Ghastel Gaillart qui estoit une des plus fortes places du pays de Normandie; et le tenoient les gens du daulphin, et y fut le siège xvj mois. Au bout duquel temps se rendy par faulte de ce que les cordes dont ilz tiroient l'eaue leur estoient faillies; et en estoit capitaine messire Loys de Mauny, qui avoit avec luy yj" gentilz hommes ou plus ; et tenoient le siège les contes de Hantonne et de Kint. Et durant les choses dessusdictes avoient pluiseurs Daulphinois et Bourguignons grant confidence et communicacion les ungs avec les aultres, espérant que le traictiè fait deuist estre pardurable. Mais dame fortune y pourvey par telle manière que, dedens briefzjours ensuivant, furent en plus grandes tribulacions et haynnes, l'un contre l'autre, que par avant n'avoit esté, comme cy après sera déclarez.

Or vous lairay ung peu à parler des Anglois et de leurs concquestes, et parleray des fais de France.