M., f seurement

2. M. P. et L. — Notre manuscrit dit le xj®, ainsi que celui de Monstrelet; mais, par cela même que lems. de Monstrçlet indique un dimanche pour le jour où le duc de Bourgogne fut assassiné,

de septembre mil iiij® xix. Et avoit en sa compaignie v^ hommes d'armes, deux cens archiers et pluiseurs seigneurs; c'est assavoir, Charles, filz aimé du duc de Bourbon ; le seigneur de Nouaille, frère au conte de Foix; Jehan, fîlz au conte de Friboui^; le seigneur de Saint George ; messire Anthoine de Vergy ; le seigneur de Jonvelle ; le seigneur d' Aultre ; le seigneur de Montagu; messire Guy de Pontaillier; messire Charles de Lens, et pluiseurs aultres, avec lesquelz il chevauça assez joyeusement jusques à peu près de Montereau; et il était environ iij heures après midy.

Et lors vindrent allencontré de luy trois de ses gens, Jehan d'Ornay, Saubertier et ung aultre que je ne sçay nommer, lesquelz luy dirent que ilz venoient de la ville où ilz avoient veu sur le pont, au lieu mesmes où ilz se debvoient assembler pluiseurs fortes barrières faictes de nouvelle, très avantageuses pour lepartydu daulphin, disant qu'il pensast à son fait, et que, se il se boutoit dedens, il seroit ou dangier du daulphin. Sur lesquelles paroUes le duc, tout à cheval, assembla son conseil pour savoir qu'il estoit sur ce de faire. Et y eult de diverses oppinions ; car les aucuns doubtoient moult la journée, atendu les nouvelles que, d'eure en heure, à aultres ilz oy oient. Les aultres, qui ne peusoient que à bien, conseilloient, pour mieulx faire, que laissier qu'il allast vers le daulphin, et disoient que ilz n'oseroient penser que ung tel prince, fîlz du roy et successeur de la couronne, vaulsist faire aultre

il se rectitie en quelque sorte, le 10 septembre de l'an 1419 étant précisément un dimanche.

chose que loyalté. Et lors, le dqc de Bourgoingne voyant et oyant les diverses oppinions de son conseil, dist hault et cler, en la présence de tous ceulx qui là estoient, qu'il yroit sur intencion d'actendre telle adventure qu'il plairoit à Dieu de luy envoyer ; disant, oultre, que, pour le péril de sa personne, ne luy seroit jà reprouvé que la paix et réparacion du royaulme seroit astargie ; et que bien savoit que se il failloit de y aller, que par adventure guerre ou division se pourroit esmouvoir entre eulx, et que la charge et déshonneur en retourneroit sur luy. ^-

Ët adont s'en alla descendre ou chastel de Monstreau, par la porte vers les champs ; lequel chastel luy avoit esté délivré pour luy logier par les conseilliers du daulphin, affin qu'il fust mains en suppechon que on luy vaulsissent mal. Et fîst descendre avec luy tous ses seigneurs et ij^ hommes d'armes et cent archiers, pour luy acompaignier. Sy estoit avec luy la dame de Giac, qui par avant, comme dit est, avoit esté pluiseurs foiz devers le daulphin, durant letraictiécy dessusdit; et moult introduisoit le duc de y aller, en luy admonestant qu'il ne fust point en doubte de nulle trahyson. Le duc de Bourgoingne, comme il monstroit semblant, amoit moult et creoit de pluiseurs choses icelle dame, laquelle il avoit baillie en garde, avec partie de ses joyaulx, à Phelippe Josquin, comme au plus féable de tous ses serviteurs.

Et tost après qu'il fut descendu, ordonna à Jacques de la Basme qu'il se meist avec ses gens M'armes allentrée de la porte vers la ville, pour la sceurté de sa personne, et aussi à garder la convention.

Et entretant messire Tanneguy vint devers le duc de

Boui^oingne, et luy dist que le daulphin estoit tout prest et qu'il attendoit après luy. Il respondit qu'il s'en alloit, et lors appella ceulx qui estoient oominis d'aller avec luy, et deffendit que nul n'y allastsi non œulx qui ad ce estoient ordonnez, lesquelz estoient dix, dont les noms s'ensuit, c'est assavoir : Charles de Bourbon , le seigneur de Nouaille , Jieban de Fribourg » le seigneur de Saint-George , le seigneur de Montagu , messire Anthoine de Vergy, le seigneur d'Àultre, messire Guy de Poutaillier, messire Charles de Lens, messire Pierre de Giac, etung secrétaire, nommé Jehan Seguinart.

De rechief allèrent allencontre de luy les gens du daulphin , qui renouvellèrent les sèremens et promesses par avant fais et jurez entre lesdis prinon* Et ce fait, lui dirent : c Venés devers Monseur; il vous actend c cy devant sur le pont. » Après lesquelles parolles se retrayrent devers leur seigneur. Et adont le duc de Bourgoingne demanda à ses conseillers se il leur sembloit que il peuist aller seurement devers le daulphin, sur les sceurtez qu'ilz savoient estre entre eulz deux. Lesquelz ayans bonne intencion luy firent responce que sceurement il y povoit aller, actendu les promesses faictes par tant de notables personnes d'une partie et d'aultre. Et dirent que bien ozeroient prendre l'aventure d'aller avec luy.

Sur laquelle responce, se mist à chemin, &isant aller devant lui une partie de ses gens, et entra en la première barrière où il trouva les gens du daulphin, qui encores luy dirent : c Venez devers monseigneur le <K daulphin; il vous actend. » Et il dist : c Je vois <L devers luy, » et passa la seconde barrière, laquelle

fut tantost fermée à la clef, après ce que luy et ses gens furent dedens entrez, par ceulx qui ad ce estoient commis; et, en marchant avant, encontra messire Tanneguy du Chastel, auquel en grant amour il féry de la main sur l'espaulles, disant au seigneur de Saint- George et aux aultres de ses gens : « Veez cy en quy c je me fie ! » Et ainsi passa oultre jusques assez près du daulphin, qui estoit tous armés, l'espée chainte, appoyé sur une barrière, devant lequel, pour luy faire révérence, se mist à ung genoul, en le saluant très humblement. A quoy le daulphin luy respondy, sans luy monstrer aucun semblant d'amour, en luy remonstrant qu'il luy avoit mal tenu sa promesse de ce qu'il n'avoit pas fait guerre aux Anglois, ne fait wider ses gens hors de garnisons, ainsi que promis l'avoit. Et adont messire Robert de Loire le prist par le brace dextre, et luy dist : « Levés vous, vous n'estes que € trop honnourable. »

Le duc de Bourgoingne, qui estoit à ung genoul, comme dit est, avoit son espée chainte, laquelle estoit selon son vouloir trop demourée derrière. Quant il se agenoilla, il y mist sa main pour le remeclre plus devant ; et lors ledit messire Robert de Loire luy dist : € Mectez-vous la main à vostre espée en la présence € de monseigneur le daulphin ? »

En ces parolles s'aprocha messire Tanneguy, qui, comme on dist, fist ung signe, et, en disant : « Il est € temps, » féry le duc de Bourgoingne d'une hache qu'il tenoit en sa main, si ruddement qu'il le feist cheoir à genoulx. Et quant le duc de Bourgoingne se senty féru, mist main à son espée pour le tirer, soy cuidant lever pour se defFendre ; mais incontinent

37fi CHRONIQUE DE JEAN LE FÉVRE [1419]

d'aucuns aultres fut férus pluiseurs coups et abbattu par terre comme mors. Et prestement ung nommé Olivier Laiet, à l'ayde de Pierre Frotière, lui bouta une espée par dessoubz son haubregon par dedens le ventre. Et aucuns dient que le frère du conte de Foix, quant il vit le duc de Bourgoingne abbatu par terre, luy cuidant saulver la vie, se mist sus son corps. Mais le visconte de Nerbonne tenoit une daghe en sa main, dont il le féry et le perça tout ouitre le corps. Aultres ont dit que ce fut d'une espée, et aultres d'une hache. Touteffoiz il fut mort avec son maistre, le duc de Bourgoingne. Le daulphin, qui estoit appoyé sur la barrière, comme vous avez oy, voyant ceste merveille, se tira arrière comme tout effrayé ; puis tantost par ses gens fut enmené à son hostel.

Les aucuns des seigneurs de la compaignie du duc de Bourgoingne se vauldrent mectre à deffence, et en y eult d'aulcuns bleschiés ; mais ce leur valu moult peu; car tous furent prins et menez prisonniers, excepté le seigneur de Montagu qui estoit moult appert et viste. L'espée au poing, toute nue, sailly dehors les barrières, et se tira devers le chastel où estoient les gens du duc de Bourgoingne ; dont aucuns montèrent à cheval et, en très grant haste, se départirent démenant moult grant dueil. Le seigneur de Jonvelle, et les aultres qui estoient dedens le chastel de Monstreau et auxquelz le duc de Boui^oingne l'avoit baillié en garde à son partement, furent moult esmerveilliés, eulx veans que nulles provision de vivres n'avoit en ladicte place, ne aultres habillemens de guerre fors ceuix qu'ilz y avoient aporté : car on en avoit osté toute l'artillerie.

Finablement, au mieulx qu'ilz peurent, trouvèrent leur traictié par devers le daulphin et s'en départirent, leurs corps et biens saulfz, et tirèrent versTroyes, où ilz trouvèrent le roy, la royne et pluiseurs grans seigneurs, ausquelz ilz racontèrent la piteuse mort du duc de Bourgoingne. Sy en fut le roy, la royne et toute la court troublée. Et eulrent conseil d'envoyer par les bonnes villes mandemens royaulx, par lesquelz ilz remonstroient la mort et la desloyauté des facteurs ; mandans et deOendans aux officiers que au daulphin ne à ceulx de son party ilz ne baillassent ayde ne secours, mais se préparassent, à toute diligence, de résister contre eulx, et que ad ce faire ilz auroient brief bonne ayde.

Tantost après le fait advenu, les gens du daulpbin prindrent le corps du duc de Bourgoingne, se le dévestirent et ne lui laissèrent que son pourpoint, ses houseaulx et sa barrette en son chief, et le mirent en un moulin, qui là au plus près estoit, où il fut toute la nuyt. Et l'endemain matin fut mis en terre, en l'église Nostre-Dame, devant l'autel Saint- Loys, en ce mesme estât où il estoit; et lui firent dire aucunes messes. Charles, filz duc de Bourbon, demoura avec le daulphin, et aussi fist messire Pied de Giac, la dame de Giac et Phelipe Josequin, et luy firent le sèrement. Mais les aultres ne le vauldrent oncques faire, pour bien ne pour promesses que on leur feist, disant tousjours que mieulx ameroient morir que faire chose qui tornast à reproche à eulx et à leurs hoirs. Et finablement ilz furent tous mis à finance, sy non messire Charles de Lens, admirai de France, qu'ilz firent morir. Et à ceste heure, pluiseurs

hommes notables estoient avec le daulphin, qui riens ne sçavoient du secret de cest matière. Et en y eult d'aucuns ausquelz il desplut grandement, considérans les tribulacions, reproces et mescbiefz qui en pourroient sourdre ou temps advenir, tant ou royaulme de France comme à la personne de leur seigneur et maistre, le daulphin.

Après ce que le daulphin ot tenu pluiseurs consauk sur ses affaires, soy excusant de non avoir rompu la paix, fist rescripre pluiseurs lettres à ceulx des bonnes villes tenans son party, et en pluiseurs aultres lieux. Mais, quelque rescripsion que il feist, ne fut pas creu ; car tous ceulx qui en oyoient parler et que, soubz umbre de bonne paix, avoit esté fait tel mourdre, en estoient desplaisans; car il estoit moult amé en France. Le daulphin se party de Montereau et s'en alla à Bourges et manda gens d'armes de tous pars. Et de là s'en alla en Anjou, où il eult parlement avec le duc de Bretaingne ; et luy accorda le duc une partie des nobles hommes de son pays, pour luy servir. Et adont luy vindrent une moult grande compaîgnie d'Eschoçois qu'il envoya sur la rivière de Loir ; puis s'en alla en Poithou, en Auvergne, en Langhedoc, pour y lever gens d'armes et pour avoir leur ayde. Et par toutes les bonnes villes, où il passoit, il fiiisoit protiunchier que ce qu'il avoit fait contre le duc de Bourgoingne avoit esté fait sur bonne et juste querelle, en soy justifiant le plus qu'il' povoit.

Quant la chose vint à la congnoissance des Parisiens, ilz en furent moult doulans; et pourtant. Tendemain, au plus matin qu'ilz peurent, assemblèrent le conte de Saint-Pol, nepveu du duc, lyeutenant du roy

à Paris, le chancellier de France, les prévotz de Paris et des marchans, et généralement tous les officiers du roy. En laquelle assemblée fut remonstrée la mort du duc et la manièrjs comment icelle avoit esté faicte. Pour laquelle cause les dessus nommez firent sèrement au conte de Saint-Pol de le servir, obéyr et, de toute leur puissance, entendre à la garde et deffence de la bonne ville de Paris, et de résister de corps et de biens à la dampnable intencion des crimineulx, sédicieulx rompeurs de paix et union du royaulme, et de poursuyr de tout leur povoir vengeance des coulpables et consentans de la mort et homicide du duc de Bourgoingne. Et firent sèrement d'entretenir leurs promesses, et de ce baillèrent lettres scellées du seel de Paris ; et pareillement firent les aultres bonnes villes de France, qui alors tenoient la partie du roy et du duc de Bourgoingne.