CHAPITRE CV
Comment le duc Jehan de Bourgoingne fut occis à Monter eau où fault Yonne y par le commandement et en
370 CHRONIQUE DE JEAN LE FÉVRE [h 41 9]
la présence du daulphin, seul filz du roy de Franœ. Des mandemens que le roy feit à icelle cêuse publyer par son royaulme^ et comment le daulphin assemblait de tous costés gens d'armes.
Assez advez ouy comment le daulphin, seul filz du roy, fîst paix au duc de Bourgoingne. Après laquelle faicte et publiée par le royaulme, le daulphin se partist pour aller vers le pays de Touraine avec pluiseurs de son conseil, depuis qu'il fut adverty et conseillié de trouver la manière comment il pourroit décepvoir et faire morir le duc de Bourgoingne, laquelle chose il avoit intencion de faire au parlement de la paix, conune Ten disoit. Laquelle paix fu faicte ou lieu dessus dit. Mais pour ce qu'ilz veirent le duc de Bourgoingne avoir grant puissance, ne l'osèrent lors entreprendre. Sy s'en retourna pour l'acomplir; et vint, à tout x°^ combattans ou environ, à Monlereau où fault Yonne.
Et tost après sa venue, envoya à Troyes en Ghampaigne messire Taneguy du Ghastel et aultres de ses gens, à tout certaines lettres signées de sa main, par lesquelles il rescripvit très affectueusement au duc dq Bourgoingne que, pour conclure et adviser à la réparacion et affaires du royaulme, et aussi pour aullres choses qui grandement luy touchoient, il vaulsist aller devers luy audit lieu de Montereau. Lequel duc de Bourgoingne, oyant ses requestes et nouvelles, différa pluiseurs jours de y aller, et contendy que le daulphin allast devers le roy, son père ; et remonstra pluiseurs foys à Taneguy que plus convenable et expédient seroit que il y allast que aultrement, affin de tenir
leur conseil ensemble. Et, sur ce, retourna Taneguy devers le daulphin. Mais finablement conclud le daulphin et ceulx de son conseil de demourer à Montefeau et non aller ailleurs. Et de rechief retourna messire Tanneguy à Troyes, devers le duc (le Bourgoingne avec lequel il traicta que il vint à Bray sur Saine ; et de là furent envoyez pluiseurs messages de l'une partie à l'autre. Entre lesquelz y envoya enfin, le daulphin, l'évesque de Vallence qui estoit frère à l'archevesque de Lengres ; lequel de Lengres estoit avec le duc de Bourgoingne et ung de ses principal conseiller, nommé messire Charles de Poittiers.
Et quant icelluy évesque fut venu audit lieu de Bray, il parla pluiseurs foiz au duc de Bourgoingne et l'amonesta et induit bien à certes qu'il vaulsist aller devers le daulphin, disant qu'il ne feist nulle doubte ou souppechon de quelque mauvaisetie. Et pareillement en parla féablement à son frère, en luy remonstrant que féablement* il y povoit aller et feroit mal de refuser. Touteffoiz icelluy évesque ne sçavoit, pour vray, riens de ce qu'il advint depuis et traictoit de bonne foiz.
Finablement, tant par les remonstrances qu'il fist, comme sur les paroUes de messire Tanneguy, le duc de Bourgoingne conclud et se disposa avec son conseil d'aller devers le daulphin en la compaignie d'icelluy évesque, et se party du dit lieu de Bray, le x®* jour
