Trinacre, c'est Sicile. » — Note en marge de M.B

Engleterre, enEscoche et pluiseurs aultres lieux. Et tant ay voiagié par mer et par terre, que, par la grâce de Dieu, j'ay attaint Teage de Ixvij ans, ou environ, occupé de maladie en telle manière que bonnement ne puis aller ne faire telz ou semblablez voyages à pié , à cheval, ne à chariot. Par quoy, j'ay esté et suis constipant et mis en nécessité de moy en déporter.

Pour quoy, en considérant les choses dessus dictes, pour eschiever occiosité, qui est la mère de tous vices, et que mon ancienneté ne demeurasse du tout inutile, me suis disposé, comme dict est, faire et compiler ce petit volume, ouquel sont contenues pluiseurs choses que je ay veues, et aultres qui m'ont esté dictes et recordées par pluiseurs notables personnes dignes de foy. Et, pour ce que sçay bien que pluiseurs croniquez et histores ont esté faictes et escriptes par pluiseurs notables orateurs et hystoriens, qui sur ce ont fait pluiseurs grans livres^ et volummes, ^par leur vertueuse éloquence , seloncq leur exquis et aournés langages ; et meismement du temps dont mon ayant dit petit livre fait mention , je me suis déporté de y faire longhe récitacion , ne de tant présumw que de moy entremettre, ne bouter trop avant en ceste matière ; attendu que je congnois bien mon imperfection, et que les hommes me pourroyent bien faire riche, mais saige, non.

Et, pourtant, me suis attendu et attens ausdis historiens et orateurs, d'avoir escript et mis en leurs

1. M.P. et L., « Et pour ce que je sçay bien que pluiseurs croc nicques et histoires ont esté faictes et escriptes par — pluiseurs « grans livres. »

histoires, livres et volummes, les hâulx fais et auUrez advenus, chascun en son temps ; et ay fait et compilé, pour les causes dessus dictes, ce présent petit livre par manière de recordacion et mémoire, en mon gros et rude langaige Picard, comme celuy qui aultrement ne sçaroit escripre ne parler. Ouquel livre sont contenues , entre les aultres choses , la plus grand part des voyages qui par moy ont esté fais par le commandement de mon avantdit seigneur, moiennant la grâce de Dieu et de la glorieuse Vierge Marie, et toutte la court célestialle [de Paradis], qui soit au conmenchement, au moyen et en la fin de mon œuvre.

Et supplie et requiers , tant humblement comme je puis , à tous cheulx qui le verront et orront , que , se aucune chose y a digne de répréhencion ou correction , il leur plaise , en suppléant à mon ignorance , de moy tenir et avoir pour excusé ; entendu que ce que par moy a esté faict, [dit] et rédigié par escript, les ay fait le mieulx et le plus véritablement que j'ay peu, et sans aucune faveur, pour recordacion et mémoire des choses dessus dictes. Et, quant je parleray du roy de France, je le nommeray le Roy, tant seulement; et tous les autres roys averont sieute. Aussy, quant je parleray de mon avantdict seigneur de Bourgongne, je le nommeray le Duc, tant seulement; au moins, à la plus part du livre. Et, au regard de feu monseigneur son père, il sera nommé duc de Bourgongne.

Pour che que j'ay intencion de parler et escripre en brief les choses advenues en mon temps, et que je porroye bien avoir veues, je commeneheray à parler

de la très dollereuse adventure qui advint en France, l'an mil CCCG et vn que lors regnoit Charles, VP de ce nom, qui en son temps et après sa mort fust nonuné Charles le Bien Amé; lequel avoit ung seul frère nommé Loys, duc d'Orléans. Et si avoit trois oncles , frères de son père , le roy Charles le Quint ; lesquelz trois oncles^ avoient à nom, l'ung Charles, duc d'Anjou, le second, Jehan, duc de Berri, et le tierch, Phelippe, duc de Bourgongne. Du duc Phelippe, duc de Bourgoingne, issirent pluiseurs enfans, entre lesquelz en y ot ung et l'aisné, nommé Jehan, qui après la mort de son père, fu duc de Bourgoingne, lequel estoit cousin germain dudit duc, Loys d'Orléans.

Or advint que, par la temptacion du Diable, par envie d'avoir le gouvernement du roialme, comme l'en disoit, et aussi pour aultrez causez qui cy après seront déclarées, le duc Jehan de Bourgoingne fist tuer le duc d'Orléans, son cousin germain. Dont si grandes etmauldittes guerres sourdirent, et qui tant longhement durèrent que pau s'en falli que tout le roiaulme ne fust destruit, comme l'on peut veoir et sçavoir par les croniques qui en sont faictez. Et aussi, j'en parleray ung petit en ce présent livre.

Après, aussi, je parleray de la venue du roy Henry d'Engleterre, qui vint en France l'an mil im® et xv, et aussi de son filz, le roy Henri, qui fust coronné roy de France à Paris. Et après, je parleray comment mon avantdit seigneur, le duc Phelippe de Bourgongne, en l'an mil nn*^ et xxix , espousa la fille du roy de Portingal, en la ville de Bruges, où il y ot une grande

1. M. P. et L., € trois oncles frères, — lesquelz trois oncles. »

et notable faste ; en laquelle feste te duc mist sus une ordre appellée la Thoison d'or, dont le duc fust le fundateur , cief et souverain ; en laquelle ordre furent premièrement ordonnez xxiiij chevaliers, gentilz hommes de nom et d'armes, nés en léal mariage et sans reproche , Et , aveucq che , fut ordonné , par ledit duc, qu'il y auroit iiij officiers, c'est assavoir chancellier, trésaurier, greffier et roy d'armes, ainsy que devant est dict.

En après, je parleray des haulx et loables fais du Duc et des chevaliers de son ordre, non mye si au loing, à la centiesme partie, que en a descript notable orateur George le Chastelain. En après, je parleray, et en brief, de moult mervelleuses et piteuses aventures advenues depuis le commenchement de cestuy petit livre, jusques à l'an mil nn® et lx.

Et, pour ce que j'ay dit que je conamencheray en l'an mil cccc et vn, vray est que le duc Jehan de Bourgongne, fîst tuer le duc d'Orléans, frère seul du roy Charles le Bien Amé ; dont terribles et mauldittes guerres en sourdirent, et vinrent telles et si grandes qu'il n'est à croire, fors de ceulx qui les virent. D'icelle mort pluseurs du roialme furent tourblés et courouchiés, et non sans cause. Or, est vray que, de prime face, on ne sçavoit qui avoit fait faire l'omicide du duc d'Orléans; mais, après che que la vérité fust sceue, la vesve de feu le duc d'Orléans, fille du duc de Millan, se tira à Paris, en sa compagnie trois de ses enfans; c'est assavoir Charles, duc d'Orléans, son ai^né fîlz, le conte de Vertus et le conte d'Angoulame. Elle et ses iij enfans firent envers le roy de grans poursieutes , pour avoir

justice du duc de Bourgoingue ; mais, pour diligence, ne pour poursieute qu'elle sceut faire, remède n'y sceut trouver. Et fut la matière longhement délaiée; et, finablement [morut] ^ la povre ducesse en la poursieute, et n'en fut , pour l'eure , ne de sa vie , aultre chose faitte.