M.P. et L., c n'eust esté quHl eulrerU secours
Bourgoingne, qui fort désiroit travellier ses ennemis, assambla ses princes et seigneurs et tint consiel. Si luy fîi consiellé que bon seroit qu'il allast à Saint Clou, pour [essayer à]^ rompre les logies des Orléanois ; et de plus grant plaisir ne pouroit faire à ceulx de Paris, par lesquelz Orléanois tout le païs devers le Mont Ldiéry estoit tenu en subjection.
De che consiel fu le duc d'accort , et tout ceulx qui là estoient. Si fu ordonné que, tantôt après sour faili, on feroit sçavoir à tous les capitaines et cieÊs de chanbres que secrètement ilz s'apprestassent, eulx et leurs gens, pour partir à my nuit en la compagnie du duc de Bourgoingne, sans nommer le lieu où ilz debvoient aller. L'ordonnance faicte, le duc de Bourgoingne se parti à l'heure devant dicte, qui fut le ix* jour de novembre en icellui an, en sa compagnie le conte de Nevers, son frère , le conte de la Marche et pluiseurs . aultrez ; et fist guider luy et ceulx qui conduissoient son ordonnance, pour aller droit à Saint Clou, cottiant la rivière de Saine du costé vers Mont Lehéry ; et aveuc che ordonna c. lanches, hommes vaillans et bien monté», qui du costé vers Saint Denis chevauchèrent le plus secrètement qu'ilz pourent , tant qu'ilz fiirent à l'endroit de la tour de Saint Clou pour garder le passage affin que nulz ne passast^ par là, de la ville ne de la tour, pour aller vers les Orléanois. Quant le duc de Bourgoingne fu parti de Paris, il tira son chemin droit à Saint Clou, et moiennant les guydes qu'il avoit, se trouva Rêvant le jour assés près de la tour. Celle nuyt, fist grant froidure à merveilles.
1. M.P. etL. —2. M.P. et L.,f pour garder— que nulz ne passast.»
Et quant se vint environ vij heures au matin, le duc de Bourgoingne fist assalir la ville par deux ou trois lieux. Les Oriéanois, qui grant nombre de gens est oient, très vallammetit se défendirent. L'assault fu grant, le cri et la noize, mais les Orléanois furent sourpris et ne peurent faire sçavoir à leur grant puissance Tassault que on leur faisoit ; car les cent lances du duc de Bourgoingne qui estoient devant ^ le pont de Saint Clou gardoient que nulz ne povoit issir. La besongne fu grande et y perdi maint homme la vie. Toutteffois, Orléanois y furent desconfis, dontpluiseurs, qui se cuidoient sauver et retraire en la tour de Saint Clou, furent noyés; car la presse fu si grande, sur le pont, qu'ilz boutoient l'ung l'autre jus en l'eaue; et, aveuc che, on dit que le pont rompi, qui tout chergié de gens estoit. Et là furent, que mors que noyés, de ix® à mille hommes, et de iiij à v® prisonniers. Entre lesquelz fu prins le seigneur de Stanbourg, messire Manssart du Bois, Guillame Batillier et aultres gens de nom. Et, après celle desconfiture, retourna le duc de Bourgoingne à Paris, où il fu rechupt des citoyens à grant loenges.
Quant le duc d'Orléans et ceulx de sa compagnie sceurent la desconfiture de leurs gens, furent moult dollans; pour laquelle cause se mirent à consiel. Sy conclurent, veu la grant puissance que avoit le duc de Bourgoingne, qu'ilz se partiroient celle nuyt, et fièrent celle nuit secrètement faire pons* sur la rivière de Saine, pour passer à l'endroit de Saint Denis. Ainsi se par-
i. M. P. et L., € d'entre, »
